Geografiyasi

Mehnat vositalari - insonning mehnat predmetlariga ta’sir etib mahsulotlar 
ishlab  chiqarish  sifatida  ishlatadigan  buyum  yoki  buyumlar  majmuasidan  iborat 
qurollardir. Mehnat qurollari tarkibi g’oyat xilma-xil bo’lib mashinalar, dastgohlar, 
asbob-uskunalar,  shuningdek,  mehnat  jarayonini  tashkil  qilishning  umumiy  shart-
sharoitlari,  ishlab  chiqarish  va  noishlab  chiqarish  infrastrukturasidan  iborat. 
Mehnat  vositalari  to’xtovsiz  sur’atda  jamiyat  taraqqiyotiga  mos  rivojlanib 
bormoqda. 
 
Ishlab chiqarish vositalari - moddiy ne’matlarni yaratishda foydalanadigan 
mehnat predmetlari va mehnat vositalari majmuasi bo’lib ishlab chiqarish fondlari 
ko’rinishida ifodalanadi. Ishlab chiqarish vositalari va inson mehnati uzviy bog’liq 
bo’lib, yagona jarayonda ishtirok etadi. Mehnat qurollari jonli mehnat bilan bog’liq 
bo’ladi  va  ayni  vaqtida  inson  mehnati  faoliyati  ham  ishlab  chiqarish  vositalariga 
bog’liqdir.  Ishlab  chiqarish  vositalarisiz  insonning  mehnat  faoliyati  ham 
bo’lmaydi. Bu jarayonlarda hal qiluvchi omil insonning o’zi, ya’ni uning ma’lum 
maqsadga  yo’naltirilgan  faoliyatdir.  Inson  ana  shu    ma’lum  maqsadga 
yo’naltirilgan  faoliyati  tufayli  ishlab  chiqarish  jarayonlarida  keng  qo’llaniladigan 
predmetlarni vujudga keltiradi.