Geografiyasi

 
Ishlab  chiqarish  kuchlarini  joylashtirish  va  hududiy  tashkil  qilish 
tushunchalari.  Ishlab    chiqarish  kuchlari  mohiyatini  to’g’ri  talqin  qilish  va 
tushunishda  inson  mehnati  (ishchi  kuchi),  mehnat  predmeti,  mehnat  vositalari  va 
ishlab chiqarish vositalari tushunchalarini bilish muhim o’rin tutadi. Inson mehnati 
-  insonning  ma’lum  maqsadga  muvofiq  yo’naltirgan  faoliyati  bo’lib,  ana  shu  
faoliyati  natijasida  u  tabiat  predmetlarini  (buyumlari)  o’zgartiradi  va  o’z 
ehtiyojlariga moslashtiradi. Mehnat o’zining mazmuni va xarakteri jihatidan aqliy, 
jismoniy, malakali va malakasiz mehnatga bo’linadi. Mehnat qiymat yaratishdagi 
roliga  ko’ra  ya’ni  uning  natijasi  tovarga  aylanganda  va  pul  vositasi  bilan 
almashganda konkret va abstrakt mehnatga bo’linadi. 
 
Jamiyatning  rivojlanishi  bilan  mehnatning  ijtimoiylashuvi  jarayoni  ham 
chuqurlashadi.  Inson  mehnati  (kuchi)  ishlab  chiqarishning  (jamiyatning)  asosidir. 
Inson  mehnati  natijasida  moddiy  va  ma’naviy  ne’matlar  yuzaga  keladi.  Ana  shu  
jarayonda inson mehnati bilan birgalikda mehnat predmetlari va mehnat vositalari 
ham ishtirok etadi.