G. N. Maxmudova innovatsion iqtisodiyot

8.6. Kadrlar tayyorlashning milliy modeli va DTS ishlab
chiqish tamoyillari 
Uzluksiz ta’lim ijodkor, ijtimoiy faol, ma’naviy boy shaxsni 
shakllantiruvchi va yuqori malakali raqobatbardosh kadrlar tayyorlashda 
oldinda borishlik uchun zarur sharoitlar yaratadi.
Uzluksiz ta’lim tizimining faoliyat koʻrsatishi koʻpgina tomonlarini 
belgilovchi muhim unsurlaridan biri Davlat ta’lim standarti (DTS)dir. U koʻp 
oʻlchovli yoʻriqnoma boʻlib, yoʻnalish (bakalavriat) yoki mutaxassislik 
(magistratura) umumiy tavsifi, ta’lim-kasbiy programma tayyorlash, uning 
tuzilishi va mazmuni, joriy etilishi, kadrlar tayyorlash sifatining nazorati va 
h.k. talabni oʻzida aks ettiradi. 
Ta’lim standarti ta’limning maqsadi, qimmati, uning mazmuni va 
natijasi (tayyorlov darajasiga boʻlgan talab), ta’lim-tarbiya programmaviy 
xususiyati, ta’lim jarayonining tuzilish tarxi, uning maqsadga erishish 
darajasini bosqichma-bosqich va yakuniy diagnostikasiga moʻljallangan 
koʻlam hamda vaqtini, ta’lim va ma’lumotlilik darajasini belgilaydi. 
Kadrlar tayyorlash milliy modeliga muvofiq DTS ishlab chiqish 
tamoyillarining asosiylari boʻlib quyidagilar hisoblanadi: 
- gumanitarlash va insonparvarlash; 
- nazariylashtish (fundamentalizatsiya); 
- umumta’limiy va kasbiy tayyorlov; 
- ta’lim-kasbiy programma dolzarbligi; 
- talabalarning akademik zarbdorligi; 
- fanlar qismlari va guruhlarining uygʻunligi; 
- mustaqil davom ettirish imkoniyatlarini kengaytirish; 
- sifatning koʻp bosqichli nazorati. 
Innovasion iqtisodiyotni shakllantirishda 2019 yil оktyabrda qabul 
qilingan “Oʻzbekiston Respublikasi oliy ta’lim tizimini 2030 yilgacha 
rivojlantirish konseptsiyasi” muhim me’yoriy hujjatdir. Mazkur konseptsiya 
4 bob va 9 paragrafdan iborat: 
1-bob. 
Umumiy qoidalar 
2-bob. 
Oliy ta’lim tizimining joriy holati va mavjud muammolar 

---

139