G. Gutlyýew Awtomatlaşdyrylan taslama düzmegiň ulgamlary Системы Автоматизированного проектирования

Surat 1.3. Taslama düzmek prosesiniň shemasy
Eger X wektoryň bahalaryny üýtgetmek maksada gönükdirlen bolup, käbir hil görkezijisiniň - maksat funksiýasynyň iň gowy (optimal) bahasyny gözlemäge ugrukdyrylan bolsa,onda biz optimizirleme meselesine geleris.

Eger parametrik sintez meseleleri kanagatlanarly çözgudi bermese, onda strukturany üýtgetmek ýoly saýlanyp, bu wariant boýunca hem yene parametrik sinteziň meseleleri täzeden çözülýär we ş.m.

Eger strukturany üýtgetmek wariantlary hem ahyrda gözlenýän netijeleri bermese, onda, öň ýandaky tapgyrda formulirlenen tehniki ýumşa düzedişler girizilip, ýokarda agzalan proseduralar gaýtalanyarlar.Tehniki ýumşa düzedişler girizmek, k-njy iýerarhik derejäniň degişli meseleleriniň gaýtalanyp çözülmeklerini talap eder we s.m. Bu aýdylanlardan, umuman, taslama düzmekligin iterasion hasiýetlidigi gelip cykýar.

Ý
Sintez 1

okarda aýdylanlardan, taslama düzmegiň analiz we sintez meselelerinin özara baglanyşygynyň häsiýetli aýratynlygy - biri-birine ornaşdyrylandygy görünyär. Ornaşdyrylanlyk, birinjiden, analiziň-optimizirleme meselesine, optimizirlemäniň bolsa - sintez meselesine giryändigini anladyar. Ikinjiden, optimizirleme meselesiniň bir gezek ýerine ýetirilmesiniň analiz meselesiniň köp gezek işlenmegini talap edýändigini, sintez meselesiniň bir gezek çözülmeginiň bolsa, optimizirleme meselesiniň köp gezek çözülmegine eltýändigini görmek bolyar. Üçünjiden, köpwariantly analiz meselesiniň bir gezek çözulmegi, bir wariantly analiz meselesiniň köp gezek çözülmegine esaslanandyr. Ornasdyrylanlygy şeýle shemada görkezmek bolar(sur. 1.4):