G. Gutlyýew Awtomatlaşdyrylan taslama düzmegiň ulgamlary Системы Автоматизированного проектирования

ATDU - da taslama düzmegiň režimleri.

Taslama düžmekde adamyň hem-de kompýuteriň gatnaşmagy bilen, taslama düzmekligiň birnäçe režimlerini tapawutlandyrýarlar.

Awtomatlaşdyrylan režim -taslama düzmegiň marşrutlary, kompyuter üçin düzülen formal algoritmler boýunça, çözüwiň gidişine adam gatnaşmasyz, ýerine ýetirilýär.

Elde-awtomatlaşdyrylan däl režim - marşrut kompýutersiz ýerine ýetirilýär.

Awtomatlaşdyrylan taslama düzmek režimi - bölekleýin awtomatlaşdyrlan bolup, marşrutda taslama düzmegiň meseleleriniň bölegi adam tarapyndan elde, beýleki bölegi bolsa kompýuteriň gatnaşmagynda ýerine ýetirilýär.

Dialog ( interaktiw ) rezimi – has kamilleşen rezim bolup, munda marşrutdaky hemme proseduralar kompyuter tarapyndan yerine yetirilyar, adamyň gatnaşmagy bolsa, taslama duzmek meseleleriniň ya-da amallarynyň netijeleriniň operatiw bahalandyrylmagynda, işiň dowam etme ýollarynyň saylanmagynda hem-de taslama düzmegiň gidişiniň korrektirlenmeginde ýüze çykýar. Eger dialogyň gözükdirijisi adam bolup, ol islendik wagt kompýuterdäki awtomatiki hasaplamalary üzüp bilse, onda dialoga aktiw-isjeň diýilýär. Eder hasaplamalaryň üzülmeleri kesgitli, programmada öňünden göz öňünde tutulan komandalar boýunça döwürlerde geçip, adam diňe gözükdiriji bolup çykyş edýän bolsa, onda dialoga passiw diýip at berýärler.

Köplenc, ATDU-ny ulanyjy, dialog rejiminde taslama duzmegiň kesgitli marşrutyny ýerine ýetirmek üçin başlangyç maglumatlary diňe girizýär we redaktirleýär, galan işler kompýuter tarapyndan awtomatlaşdyrylan rejimde alnyp barylyar.

Umuman, ATDU –nyň ösüşi taslama düzmegi awtomatlaşdyrmagyň derejesini ýokarlandyrmak ýoly bilen häsyetlendirilýär. Şunda adamyň gatnaşmagy hökmany bolup, köp ýagdaýlarda, çözgütleriň kabul edilmeginde işi çaltlandyrýar.