G. Gutlyýew Awtomatlaşdyrylan taslama düzmegiň ulgamlary Системы Автоматизированного проектирования

1.7. Taslama meselelerinin tipli yzygiderligi.
Ýokardan asak taslama duzmekligin tapgyrlarynyn birinde, taslama meseleleriniň aşakdaky tipli yzygiderligine seredeliň (sur. 1.3). Görşümiz ýaly, k-njy iýerarhik dereläniň meseleleri çözlüp, onuň netijeleriniň biri hökmünde (k+1) – nji derejäniň elementleri üçin tehniki ýumuş alynýar.

Ulgamy taslamak onuň strukturasynyň başlangyç wariantynyň sintezinden başlanýar. Bu warianty bahalandyrmak üçin model döredilýär. Bu ýerde, eger awtomatlaşdyrylan taslama düzmeli bolsa, matematiki model, ýogsa-da, fizikiýa-da eksperimental model döredilýär. Model boýunça elementleriň parametrleriniň başlangyç bahalary saýlanandan soň, wariantyň analizi geçirilýär hem-de netijeleri boýunça wariant bahalandyrylýar.

Adatça, bahalandyrma - tehniki ýumuşda formulirlenen iş ukyplylygynyň şertleriniň ýerine ýetýändigini barlamakdyr. Eger obýektiň işukyplylygynyň şertleri bolmalysy ýaly ýerine ýetýän bolsa, onda (k+1)-nji derejedäki ulgam kabul edilen görnüşde beýan edilýär we bu derejäniň elementlerini taslamak üçin tehniki ýumuş tasa getirilýär. Eger alnan taslama çözgüdi şertleri kanagatlandyrmasa, onda taslamany gowylandyrmagyň mümkin bolan ýollarynyň biri saýlanýar.

Şu işlerde, iň aňsady, X wektory emele getirýän elementleriň parametrleriniň san bahalaryny üýtgetmekdir. X wektoryň bahalaryny üýtgetmegiň meseleleriniň toplumy bolsa parametrik sinteziň meselesidir.