G. Gutlyýew Awtomatlaşdyrylan taslama düzmegiň ulgamlary Системы Автоматизированного проектирования

1.6. Taslama düzmegiň tipli meseleleriniň toparlara bölünmesi.

Eger taslama düzmegiň meselesi, meňzeş tipli obýektler taslananda, köp gezek ulanmak üçin niýetlenen bolsa, onda oňa tipli mesele diýilýär. Taslama düzmegiň tipli meselelerini aşakdaky ýaly toparlara bölýärler(sur. 1.2):

Görşümiz ýaly, taslama düzmegiň analiz we sintez meselelerini tapawutlandyrýarlar. Sintez meseleleri - obýekti beýan etmekdir. Analiz meseleleri - obýektiň häsiýetlerini kesgitlemekdir we beýan etme boýunça işukyplylygyny derňemekdir, ýagny, munda obýektiň taslamasy bahalandyrylýar.

Sintez meseleleri strukturalaýyn we parametrik görnuşlere bölunip, strukturalaýyn sinteziň maksady obýektiň strukturasyny, ýagny, obýekti düzýän elementleri hem-de olaryň özara baglanşygyny kesgitlemekdir. Parametrik sintezde berlen strukturadaky we obýektiň çykyş parametrleriniň berlen iş ukyplylygyndaky elementleriň parametrleriniň san bahalary kesgitlenýär. Başgaça, parametrik sintezde, berlen şertlere görä, içki parametrleriň giňişligindäki nokat ýa-da käbir oblast gözlenýär.

Analiz meseleleri bir we köp wariantly meselelere bölunýär. Bir wariantly analizde, içki we daşky parametrleriň berlen bahalarynda obyektiň çykyş parametrleriniň bahalaryny tapmak talap edilýär .Bu mesele, başgaça, obýektiň matematiki modelini emele getirýän deňlemeler ulgamyny bir gezek çözmeklige getirýär.

Köpwariantly analizde içki parametrleriň bahalarynyň käbir oblastynda obýektiň häsiýetleri derňelýär, başgaça, matematiki modeli emele getirýän deňlemeler ulgamy berlen oblastyň durli nokatlary - wariantlary uçin köp gezek gaytalanyp çözulýär.

Taslama düzmegiň meseleleri

Surat 1.2. Taslama düzmegiň tipli meseleleriniň toparlary