Фуқаролик процессуал ва иқтисодий процессуал ҳуқуқи” кафедраси томонидан

САВОЛ??? Ширкат уюшмасининг талабларини баҳоланг. Суднинг ҳаракатларини изоҳланг. Суд буйруғини бериш тўғрисидаги аризани қабул қилишни рад этишни аризани қайтаришдан қандай фарқи мавжуд? Ширкат уюшмаси иш юритишга ваколатлими? Суд амалиётида асосан қарздорликларни ундириш ва бартараф этиш бўйича қандай иш юритиш тури қўлланилмоқда? Тушунтиринг.
8.	Фуқаролик ишлари буйича Тошкент шаҳар Миробод туманлараро суди 2019 йил май ойининг 20 куни ўз биносида, ёпиқ суд мажлисида, раислик этувчи: судья А.А.Батиров, судья ёрдамчиси А.Б.Бойтемированинг котиблигида, тарафлар ва адвокат С.Собиров иштирокида, даъвогарлар Батирова Хулкар Абдуллаевна ва Батирова Зулҳаё Кобуловнанинг жавобгар Батирова Ҳақиқат Юлдаш қизига нисбатан хона эшигига қўйилган қулфни олиб ташлаш, хонага кириб ундан фойдаланишга қаршилик қилмаслик мажбуриятини юклаш хақидаги даъво аризаси юзасидан қўзғатилган №4-1000-1918/30400/19) - сонли фуқаролик ишини кўриб чиқиб, қуйидагилар аниқланди, даъвогарлар Батирова Хулкар Абдуллаевна ва Батирова Зулҳаё Кобуловнанинг жавобгар Батирова Ҳақиқат Юлдаш қизига нисбатан хона эшигига қўйилган қулфни олиб ташлаш, хонага кириб ундан фойдаланишга қаршилик қилмаслик мажбуриятини юклаш хақидаги даъво аризаси билан судга мурожаат этган. Дастлабки суд мажлисида жавобгар Ҳ.Батирова даъвони тан олмади, ундаги важлар асоссиз эканлигини, у низоли уйга келин бўлиб тушганлигини, ҳозирда низоли уйда ижарачилари яшаб келаётганлиги боис уйнинг 1 та хонасига қулф осганлигини, ўзи кун давомида ишда бўлишини, ўзининг мулкларини хавфсизлигини таъминлаш учун шу хонани қулфлашга мажбур бўлганлигини баён қилиб, даъвони рад этишни сўради. Суд мажлисида даъвогар Ҳулкар Батирова ўз даъво талабини қувватлаб, низоли бўлган Тошкент шаҳар, Яшнобод тумани, М.Риёзий кўча, Аа-уй, 10 хонадон 2008 йил 16 майдаги олди-сотди шартномасига асосан даъвогар Ҳулкар Батировага тегишли бўлиб, мазкур уй-жой даъвогарнинг хусусий мулки ҳисобланишини, жавобгар ушбу уйдан фойдаланишга қаршилик қилаётганини, уларнинг рухсатисиз хонадондаги битта хона эшигига қулф ўрнатганини, уларнинг киришига қаршилик қилаётганини, суднинг қарорига кўра даъвогар уйга киритилганлигини, лекин эшикнинг қулфини ўзгартириш мажбурияти юклатилмаганлиги боис, давлат ижрочилари ушбу хонага уни киритиш имкони бўлмаганлигини, ҳозирда у мулкдор сифатида ўз уйидан ўз хоҳишига қараб фойдалана олмаётганлигини баён қилиб, суддан Батирова Ҳақиқат зиммасига Тошкент шаҳар, Яшнобод тумани, М.Риёзий кўча, Аа-уй, 10 хонадоннинг 1та хонаси эшигига қўйилган қулфини олиб ташлаш, ушбу хонадан ўзи фойдаланишига қаршилик қилмаслик мажбуриятини юклашни сўради.