Фуқаролик процессуал ва иқтисодий процессуал ҳуқуқи” кафедраси томонидан

Даъвогар томонидан берилган бир неча талаблар (аризалар) ва уларнинг оқибатини изоҳланг.
4.	Даъвогар Каримова Шодия Зайниевна жавобгар Абишев Мансуржон Муминовичга нисбатан оталик ҳуқуқидан маҳрум қилиш ҳақидаги даъво ариза билан судга мурожаат қилиб, унда жавобгар билан 2010 йилда қонуний никоҳдан ўтиб турмуш қурганлигини, биргаликдаги турмушларидан 2011 йил 23 январда Мўминов Афзалбек Мансуржон ўғли исмли фарзанди туғилганлигини, жавобгар билан 2009 йилнинг охирига қадар бирга яшаганлигини, жавобгар аҳлоқи бузуқ бўлиб шу кунга қадар кўп маротаба жиноят содир этганлигини ва охирги марта 2018 йилда жиноят ишлари бўйича Шайхонтохур туман судининг ҳукмига биноан босқинчилик жинояти учун 15 йил муддатга озодликдан маҳрум қилинганлигини, жавобгар билан ажрашиб кетганидан буён бирор марта ҳам фарзандининг тарбияси билан шуғулланмаганлигини, фарзандининг моддий таъминоти билан қизиқмаганлигини, ҳозирда бошқа шахс билан турмуш қурганлигини ва фарзандли бўлганлигини, турмуш ўртоғи биринчи турмушидан туғилган Афзалбекка жуда меҳрибон эканлигини, Афзалбек шу турмуш ўртоғини отаси деб билишини баён қилиб, суддан жавобгар Абишев М.ни оталик ҳуқуқидан маҳрум қилишни сўраган. Жавобгар Абишев Мансуржон Муминович бугунги кунда Навоий вилоятида жойлашган 5-сонли жазони ижро этиш муассасасида жазони ўтаётганлиги сабабли суд мазкур фуқаролик ишини Ўзбекистон Республикаси ФПКнинг 220-моддасига асосан унинг иштирокисиз кўриб чиқишни лозим топди. Суд иш материалларини атрофлича ўрганиб, васийлик ва ҳомийлик органи хулосасини тинглаб, даъвогар ва унинг вакили тушунтиришларини тинглаб, даъвогар Каримова Шодия Зайниевна жавобгар Абишев Мансуржон Муминовичга нисбатан оталик ҳуқуқидан маҳрум қилиш ҳақидаги даъво талабини қаноатлантирган. Аммо кейинчалик жавобгар Абишев Мансуржон Муминович апелляция шикояти билан судга мурожаат қилиб, апелляция судлов ҳайъатида унинг адвокати иштирок этиб, биринчи инстанция судининг ҳал қилув қарори бекор қилинган.