Фуқаролик процессуал ва иқтисодий процессуал ҳуқуқи” кафедраси томонидан

САВОЛ??? Процессуал қонунчиликда суд харажатлари, хусусан давлат божини қайтариш асослари кўрсатилганми? Почта ҳаражатлари учун тўланган пулларни қайтариш масаласида шахсий фикрингиз қандай? “Нотўғри тўланган давлат божи” қандай вужудга келади? Қонун ҳужжатларида давлат божи тўловларига нисбатан қандай имтиёзлар белгиланган? Суд харажатлари, хусусан давлат божини қайтариб олиш муддатлари мавжудми?
2.	Туманлараро суд даьвогар “Суғурта” АЖнинг жавобгар Абдиев Фарид Зоировичга нисбатан етказилган зарар учун тўланган суғурта товонини регресс тартибда ундириш ҳақидаги даъво аризаси бўйича юритилган фуқаролик иши бўйича, аниқланишича, жавобгар Абдиев Фарид Зоирович суд мажлисининг вақти ва жойи ҳақида тегишли тартибда расмий равишда хабардор қилинган бўлишига қарамасдан, суд мажлисига келмади ва келмаслик сабабини судга маълум қилмади. Даъвогарнинг ишончли вакили Д.Я.Ягафоров суд мажлисида мазкур ишни жавобгарнинг иштирокисиз кўриб ҳал этишга эътироз билдирмади. Ушбу асосларга кўра, суд фуқаролик иши сиртдан иш юритиш тартибида жавобгарнинг иштирокисиз кўрилиши ҳақида ажрим чиқаради. Аммо иш кўриш жараёнида маълум бўлишича, жавобгар почта орқали судга ариза билан мурожаат қилиб, пандемия шароитида уйдан чиқа олмаслигини, ишни унинг иштирокисиз кўриш ҳақидаги илтимосини юборган ва суд девонхонаси орқали мазкур ариза кириш ҳужжатларига қайд қилинган. Кейинчалик суднинг ҳал қилув қароридан норози бўлган жавобгар олдида айрим муаммолар вужудга келган. САВОЛ??? Жавобгар олдида қандай муаммо пайдо бўлган? Ўзбекистон Республикаси Олий суди Пленумининг "Судлар томонидан Ўзбекистон Республикаси ҳудудида коронавирус инфекцияси (COVID-19) тарқалишининг олдини олишга қаратилган чоралар жорий этилиши муносабати билан қонун ҳужжатларини қўллашнинг айрим масалалари тўғрисида" 2020 йил 28 апрелдаги 08-сон қароридан келиб чиқиб, вазиятга баҳо беринг.