Фуқаролик процессуал ва иқтисодий процессуал ҳуқуқи” кафедраси томонидан

САВОЛ??? Суд қайси асослар (далиллар) га кўра аризани қаноатлантирган? Иш бўйича исботлаш воситаларини келтиринг? Ҳал қилув қарорининг қарор қисмида ишга доир яна нималар кўрсатилиши шарт?. Аризачи Асака шаҳар Бобуршоҳ кўчаси, 15-хонадонда яшайди. Судловлиликка таъсири борми? Аризачи ФИБ Чуст туманлараро суди (Чуст шаҳри,Чустий кўчаси, 5 уй, тел.: [phone], почта индекси 161100, e-mail: [e-mail]) да видеоконференц алоқа воситалари орқали ФИБ Андижон вилояти Асака туманлараро суди (Асака тумани, Янгисор кўчаси, 1 уй, тел.:[phone], почта индекси 170200. e-mail: [e-mail]) билан боғланиш имкониятига эгами? Жавобингизни асослантиринг! Суд ва ФҲДЁ амалиётида ўлимни қайд этилганлик; ўлганлик фактини белгилаш, фуқарони вафот этган деб эълон қилиш тўғрисидаги аризалар мавжуд. Ушбу атамаларни шарҳланг!.
11.	Туманлараро судда даъвогар Бузрукхонов Буритош Бобохоновичнинг жавобгарлар Закруллаева Зарина Бобохоновна, Патхуллаева Фотима Бобохоновна, Олимов Эркин Фаёз ўғли ва Олимова Мадина Фаёз қизига нисбатан уй-жойдан фойдаланиш ҳуқуқини йўқотган деб топиш ҳақидаги даъво аризаси юзасидан қўзғатилган фуқаролик иши кўриб чиқилди. Даъвогар Бузрукхонов Буритош Бобохонович жавобгарлар Закруллаева Зарина Бобохоновна, Патхуллаева Фотима Бобохоновна, Олимов Эркин Фаёз ўғли ва Олимова Мадина Фаёз қизига нисбатан уй-жойдан фойдаланиш ҳуқуқини йўқотган деб топиш ҳақидаги даъво ариза билан судга мурожаат қилиб, унда Тошкент вилояти, Зангиота тумани, Заргарлик кўчаси, 26-уй Зангиота тумани 1-сонли ДНИ томонидан 24.01.2019 йилда берилган қонун бўйича меросга бўлган ҳуқуқ тўғрисида гувоҳномага асосан унга тегишли эканлигини, мазкур уйда жавобгарлар доимий рўйхатида туришини, жавобгарлар учун ҳам солиқ ва бошқа тўловларни тўлашга мажбур бўлаётганлигини, жавобгарлар ушбу уйда яшамаётганлигини, уларни ушбу уй-жойдан фойдаланиш ҳуқуқларини йўқотган деб топишни сўраган. Суд мажлисида Патхуллаева Фотима Бобохоновна айрим эътирозларини билдирди. Суд қўзғатилган фуқаролик ишини даъвогар фойдасига қаноатлантирди.