Фуқаролик процессуал ва иқтисодий процессуал ҳуқуқи” кафедраси томонидан

САВОЛ??? Ушбу даъво талаби қайси суд судловига тегишли? Меҳнат шартномаси бекор қилинганда ишдан бўшатиш нафақаси қайси ҳолларда тўланади? Пандемия шароитида айнан Санитария-эпидемиологик марказлар фаолиятидаги ташкилий-ҳуқуқий штатлар ўзгаришини изоҳланг. Туман Адлия бўлими даъвогар ваколатига эга бўладими? Иш юзасидан қандай харажатлар ундиришга йўл қўйилади?
10.	Туманлараро суд аризачи ва туман прокурорининг катта ёрдамчиси С.Садирова иштирокида, аризачи Султонова Саъдихон Саидбековнанинг ўлганлик фактини белгилаш ҳақидаги аризаси бўйича юритилган фуқаролик ишини кўриб чиқиб, қуйидагиларни аниқлади: Аризачи Султонова Саъдихон Саидбековна ўлганлик фактини белгилаш ҳақидаги ариза билан судга мурожаат этган. Аризачи Султонова Саъдихон Саидбековна 1979 йилда туғилган бўлиб, унинг отаси Султонов Саидбек Суфихонович ва онаси Норматова Зайлихон Асомалиевна ҳисобланади. Аризачининг бобоси, яъни онасининг отаси Норматов Асомалининг ўлимидан сўнг ундан турар жой шаклидаги мерос мулки қолиб кетган. Аризачининг онаси Норматова Зайлихон Асомалиевна 1992 йилда вафот этган. Онаси вафотидан кейин аризачи меросни расмийлаштириш учун тегишли тартибда нотариал идораларга мурожаат этган. Лекин, марҳум бобоси Норматов Асомалининг ўлганлик хақидаги гувоҳномаси бўлмаганлиги сабабли, мерос мулкини расмийлаштиришда қийинчиликларга дуч келган. Норматов Асомалининг ўлганлик ҳақидаги далолатнома ёзуви ФҲДЁ бўлимларида аниқланмаган. Наманган вилояти, Чуст тумани, Олмос ҚФЙнинг 10.03.2014 йилдаги 744-сонли маълумотномасида 1924 йилда туғилган Норматов Асомали 1990 йилда вафот этган, ҚФЙ қабристонига дафн этилган. Суд мажлисида аризачи Султонова Саъдихон Саидбековна ўз аризасини қувватлаб, суддан онасининг отаси бўлмиш бобоси Норматов Асомалининг 30.05.1990 йилда ўлганлик фактини тасдиқлаб беришни сўради.