Foydali qazilmalarning genetik va sanoat turlari

Nazorat savollari

1. 
   Metamorfizm deganda nimani tushunasiz?
   
2. 
   Metamorfizm jarayonining asosiy omillari nimalardan iborat?
   
3. 
   Metamorfizmning qanday turlari bor.
   
4. 
   Regional metamorfizmga ta’rif bering.
   
5. 
   Kontakt metamorfizmga ta’rif bering.
   
6. 
   Dinamometamorfizmga ta’rif bering.
   
7. 
   Avtometamorfizmga ta’rif bering.
   
8. 
   Metamorfik konlar qaysi genetik turlarga ajratiladi?
   
9. 
   Metamorfik konlar necha xil manba hisobiga hosil bo‘ladi?
   
10. 
    Metamorfik konida qanday foydali qazilmalar uchraydi?
    
11. 
    Metamorfik konida qanday tog‘ jinslari uchraydi?
    
12. 
    Metamorfik konlaridagi asosiy minerallarni sanab bering?
    

Glossariy
Avtometamorfizm– magmaning qotishi va magmatik tog‘ jinslarning paydo bo‘lish davrlaridagi jarayonlar. Ularga tog‘ jinslarining kristallanishidagi lava haroratining pasayishi, bosimning kamayishi, hali qotib ulgurmagan lavaning gaz, issiq suv va boshqa suyuqliklar bilan qotgan lavaga ta’siri kiradi.
Geologik blok – o‘xshash geologik shart-sharoitlarda foydali qazilma jismlarining qalinligi, tuzilishi, tarkibi, sifati va xususiyatlari, tog‘-kon texnik shart-sharoitlari va shu kabilarning o‘xshashligi bilan tavsiflanadigan ma’danli maydon yoki kon uchastkasi.
Geomagnetizm – geofizika fanining er ostidan yuzasiga qarab harakat qiluvchi magmatik massa va ularni ta’qib qiluvchi gaz-suvli mahsulotlarning siljishi bilan bog‘liq jarayonlar va hodisalar majmui bo‘lib, uning platforma, geosinklinal, orogen turlari farqlanadi.
Dinamometamorfizm– burmalar hosil bo‘lishi jarayonida magmaning ishtirokisiz, tektonik kuchlar ta’sirida tog‘ jinslarining strukturaviy va kamroq darajada mineralogik qayta o‘zgarishi.
Kontakt metasomatozi – intruziv tanalarning qamrovchi tog‘ jinslari bilan kontaktida yuzaga keluvchi metasomatik o‘zgarishlar jarayoni. Reaksiyalarning harorat rejimi 200^oS dan 900^oS gacha o‘zgaradi.