Fonetika Hurmatli bo‘lajak talabalar, bugun sizlar bilan fonetika bo'limini boshlaymiz avvalo, sizlar (avval tayyorlangan bo'lish-bo'lmasligingizdan qat`i nazar) quyida berilgan savolni ishlashga harakat qilib ko‘rasizlar

"-ingiz" qo'shimchasining omonimligi:

• 
  ismning munosabat shakli(egalik): sizning bilim+ingiz=bilimingiz
  
• 
  * fe'lning munosabat shakli (buyruq mayli): Yorimning qoshiga siz ham bor+ingiz=boringiz,
  
• 
  Men uchun ul yorga siz yolvor+ingiz=yolvoringiz.
  

ESLATMA: -ng va -ngiz qo'shimchalari ikki marta fe'lning munosabat shakli bo'lishini (shaxs-son va buyruq mayli) bilib oldik, ularning farqi juda oddiy: shaxs-son -ng, -ngiz qo'shimchalari "-di" va "-sa" qo'shimchalaridan keyin keladi, buyruq mayli -ng va -ngiz qo'shimchalari esa hech qachon "-di" va "-sa" qo'shimchalaridan keyin kelmaydi. Yuqoridagi misollarga bir qarang: 👆👆👆
"-man", "-san" qo'shimchalarining omonimligi:

• 
  ismning munosabat shakli (bog'lama): Men ham injiner+man=injinerman.
  
• 
  Sen endi yetakchimiz+san=yetakchimizsan.
  

• 
  fe'lning munosabat shakli (shaxs-son): Men ko'p afsuslan+a+man=afsuslanaman.
  
• 
  Sen ham eshit+gan+san=eshitgansan.
  

"-siz" qo'shimchasining omonimligi:

• 
  ismning munosabat shakli (bog'lama): Siz buyuk ijodkor+siz=ijodkorsiz.
  
• 
  fe'lning munosabat shakli(shaxs-son): Siz noto'g'ri tushin+yap+siz=tushunyapsiz.
  
• 
  sifat yasovchi: tarbiya+siz=tarbiyasiz, vijdon+siz=vijdonsiz
  
• 
  ravish yasovchi: tinim+siz=tinimsiz.
  

"-dir" qo'shimchasining omonimligi:

• 
  ismning munosabat shakli (bog'lama): Inson ekanligimiz buyuk ne'mat+dir=ne'matdir.
  
• 
  * fe'lning lug'aviy shakli(orttirma nisbat): kul+dir+moq=kuldirmoq, ye+dir+moq=yedirmoq
  
• 
  yuklama(gumon yuklamasi): Ehhimol, bizni tanigan+dir=tanigandir.
  
• 
  gumon olmoshini hosil qiluvchi qo'shimcha: kim+dir=kimdir. nima+dir=nimadir. (Aslida-chi, oxirgisini yozishim shart emas edi, lekin ba'zi abituriyentlar hali o'rganishi kerak bo'lgan ko'o'o'p narsalarni chetga surib, umuman imtihonga aloqasi bo'lmagan joylardan kir axtaradi-ku, shular uchun yozdim).
  

"-da" qo'shimchasining omonimligi:

• 
  o'rin-payt kelishigi: qishloq+da=qishloqda
  
• 
  yuklama (kuchaytiruv-ta'kid yuklamasi): hatto do'stini-da tanimadi. (do'stini ham)