Fonetika Hurmatli bo‘lajak talabalar, bugun sizlar bilan fonetika bo'limini boshlaymiz avvalo, sizlar (avval tayyorlangan bo'lish-bo'lmasligingizdan qat`i nazar) quyida berilgan savolni ishlashga harakat qilib ko‘rasizlar

ESLATMA: Sintaktik shakl yasovchi qo'shimchalar "MUNOSABAT SHAKLLARI" deb ham yuritilaveradi.
MUNOSABAT SHAKLLARI HAQIDA MA'LUMOT
Asosga qo'shilib uni boshqa so'zlar bilan sintaktik munosabatga kirishtiruvchi shakl yasovchilarga MUNOSABAT SHAKLLARI (sintaktik shakl yasovchilar) deyiladi va ularga quyidagi 6 ta tur kiradi:
1) EGALIK qo'shimchalari: -m, -im, -ng, -ing, -i, -si, -miz, -imiz, -ngiz, -ingiz, -(lar)i.
2) KELISHIK qo'shimchalari: -ning, -ni, -ga, -da, -dan(she’riy shakllari haqida quyida ma’lumot beriladi)
3) BOG'LAMA lar: -man, -miz, -san, -siz, -dir, -dir(lar).
4) SHAXS-SON qo'shimchalari: -man, -miz, -san, -siz; -m, -k, -ng, -ngiz.
5) ZAMON qo'shimchalari: -di, -b, -ib, -gan (o'tgan zamon); -yap(-yapti), -moqda, -yotir, -ayotir, -yotib, -ayotib (hozirgi zamon); -y, -a, -ar, -r, -ur, -gay, -gusi, -ajak, -moqchi (kelasi zamon)
6) MAYL qo'shimchalari: -sa (shart mayli); -y, -ay, -ylik, -aylik, -gin, -qin, -kin, -ng, -ing, -ngiz, -ingiz, -sin, -sin(lar) (buyruq istak mayli qo`shimchalari).
Ushbu 6 ta tur o'z ichida quyidagicha ikki turga bo'linadi:
1) egalik, kelishik va bog'lamalar ISMNING MUNOSABAT SHAKLLARI hisoblanadi
2) zamon, shaxs-son va mayl qo'shimchalari esa FE'LINING MUNOSABAT SHAKLLARI hisoblanadi.
LUG'AVIY SHAKL YASOVCHI QO`SHIMCHALAR HAQIDA MA'LUMOT
Asosga qo'shilib unga qo'shimcha lug'aviy ma'no beradigan shakl yasovchilarga LUG'AVIY SHAKL YASOVCHILAR deyiladi va ular quyidagilardir:
1.Ot turkumiga xos lug'aviylar: otlarning kichraytirish-erkalash, achinish, ko'plik, chegara ma'nosini, o'rin-joyga xoslikni bildiruvchi ushbu 👇👇👇 qo'shimchalar otning lug'aviy shakllaridir:

• 
  -choq. Qo'zichoq, toychoq
  
• 
  -chak. Kelinchak
  
• 
  -jon. Ukajonim
  
• 
  -oy. Komilaoy
  
• 
  -lar. Insonlar
  
• 
  -gina. Qizginam
  
• 
  -gacha. Farg'onagacha
  
• 
  -cha. Kitobcha
  
• 
  -xon. Otaxon
  
• 
  -dagi. Jizzaxdagi
  
• 
  -niki. Mansurniki