«физика ва астрономия тарихи» ЎҚув фани бўйича таълим технологияси

2. “ Классик механика ” фанининг мазмуни ва моҳияти


1- бўлим. Назарий физика ва классик механика
1- мавзу: Назарий физика ва олам манзараси
Физика фанида назарий методларнинг моҳиятини кўрсатиш. Назарий физика фаниннинг асосий вазифаларини белгилаб бериш ва унинг амалий аҳамиятини очиш. Умумий физика ва назарий физикани ўқитиш фарқларини кўрсатиш.
Маърузада гап асосан назарий физиканинг асосий вазифалари ва методлари ҳақида сўз боради. Экспериментал физика ва назарий физика ва улар орасидаги боғланишлар, илмий билиш жараёни ва оламнинг физик манзарасини физик қандай ўрганади деган саволларга жавоб берилади ва талабани назария физика оламига киритилади.
Физикнинг асосий мақсади оламни бошқарувчи ягона кучни, яъни ягона бўлган физик назарияни яратишдир.
Назарий физика олам манзарасини ўрганишда (билишда) математика ва мантиқга суянган ҳолда табиатнинг энг умуий принциплари ва қонунларини очишга интилади.Назарий физиканинг бош мақсади оламни нимадан тузилганлигини, унинг булакларини нима чамбарчас боғлаб турганлигини, олам эволюцияси жараёни қонунларини била шва фундаментал қонунларни очиб беришдир.
Билимни эгаллаш – бу билиш услубини эгаллаш, тўғри фикрлашга ўрганишдир. Шу сабабли ҳам физик- тадқиқотчилар ҳам экспериментаторлар ва назариётчиларга ихтисослашади. Экспериментаторлар физик тажрибалар қўядилар . назариётчилар эса дифференциал ва интеграл тенгламаларни ечадилар. Мазкур ихтисослашиш , изланишнинг экспериментал ва назарий методлари ўқитиш системасида (тизимида) ҳам ўз аксини топади. Шу боис физикани умумий курсида асосан феноменологик йўл устунлик қилади, асосий урғу ҳодисаларнинг ўзига берилади, улар тажрибаларда кўрсатилади, айрим-айирим қонунлар билан ўрганилади. Шундай қилиб . умумий физика курсида физик ҳодисалар , фундаментал қонунлар, асосий қонунлар ҳақидаги билимлар жамланади.
Назарий физика курсида умумий физика курси материаллари умумлаштирилади ва фундаментал физик назариялар муфассал ўрганилади. Фундаментал физик назария бўлимларига қуйидагилар киради: классик механика,нисбийлик назарияси, электродинамика, квант механика, статистик физика ва термодинамика. Ушбу назариялар модданинг микроскопик назарияси. Атом ядроси ва элементар зарралар физикаси каби бўлимларга татбиқ қилинади.
Назарий физика фани предметини таърифлашдан олдин иккита энг муҳим тушунча «модел» ва «структура» ҳақида маълумот берилади.