Фавқулодда вазиятларнинг олдини олиш соҳасидаги давлат сиёсати қандай шаклланади?

ИОнинг барқарорлигини оширишга қандай омиллар таъсир кўрсатади?

ИОнинг барқарорлигини ошириш муаммоси қуйидаги ҳолатларда юзага келиши мумкин:

• 
  назорат органлари томонидан назорат ишлари сусайганда;
  
• 
  ишлаб чиқаришда меҳнат интизоми ва технологик интизом сусайганда;
  
• 
  ИОда таркибий ўзгаришлар амалга оширилганда;
  
• 
  нефт-газ, металлургия, кимё, тоғ-кон соҳаларида технологик жиҳозлар эскирганда;
  
• 
  меъёрий-ҳуқуқий база такомиллаштирилмаганда;
  
• 
  террористик ҳаракатлар содир этилиш эҳтимоли ортганда.
  

Иқтисодиётнинг ҳудудий ва тармоқ объектларида барқарорликни ошириш бир қатор тадбирлар ёрдамида амалга оширилади. Ушбу тадбирлар қуйидаги йўналишларда олиб борилади:

• 
  кенг кўламли фалокатлар, табиий ҳодисалар ва ишлаб чиқариш билан боғлиқ авариялар келиб чиқишининг олдини олиш;
  
• 
  авария ва ҳалокатлар содир бўлганда, шу жумладан, террористик ҳаракатлар содир этилганда фавқулодда вазиятларнинг иккиламчи омиллари сабабли юзага келадиган вайроналиклар ва санитар йўқотишлар миқдорини камайтириш;
  
• 
  фалокат, табиий ҳодиса ва авариялар содир бўлганда уларнинг оқибатларини бартараф этиш учун шарт-шароит яратиш, издан чиққан хўжалик фаолиятини қайта тиклаш ва аҳолининг ҳаёт фаолиятини таъминлаш;
  

Барқарорликни ошириш бўйича тадбирлар тинчлик даврида ФВларнинг шикастловчи омилларини ҳисобга олишдан ташқари, ИО ва унинг тармоқларида алоҳида даврда содир бўлиши мумкин бўлган вайронагарчиликларни ҳам кўзда тутади. Бунда барча тадбирлар олдиндан ишлаб чиқилади ва амалга оширилади.
Олдиндан амалга оширилмаган айрим тадбирлар ФВ пайтида имкон даражасида қисқа вақт ичида амалга оширилади. Бундай тадбирларга ишлаб чиқариш алоқаларини, технологик жараённи ўзгартириш, эвакуация тадбирларини олиб бориш, иш режимини ўзгартириш ва бошқалар киради.

15.