|
Иккиламчи шикастловчи омилларни бартараф этиш ёки чеклаш
Иккиламчи шикастловчи омилларга портлашлар, ёнғинлар, бинолар ва иншоотларнинг қулаши, ёнувчан ва заҳарли суюқликларнинг чиқиб кетиши (резервуарларнинг, иншоотларнинг, технологик коммуникацияларнинг бузилиши натижасида), гидротехник иншоотларнинг бузилиши оқибатида ҳудудни сув босиши ва бошқалар киради. Иккиламчи шикастловчи омиллардан ҳимоя қилиш барқарорликни таъминлаш бўйича бошқа чоралар билан бир вақтда амалга оширилиши ва доимий равишда такомиллаштирилиши керак.
Иккиламчи омилларнинг мумкин бўлган манбалари аниқлангандан сўнг, уларнинг объектга ва унинг атрофидаги ҳудудларига хавфли таъсири юзага келиши ва тарқалишининг олдини олиш ёки камайтириш бўйича чоралар кўрилади. Чора-тадбирлар ишлаб чиқишда ишлаб чиқаришнинг моҳиятини, зарар етказиши мумкин бўлган омилларнинг кўламини ҳисобга олиш керак.
Фавқулодда вазиятларда иккиламчи омилларнинг ривожланишига КТЭЗМ, ёнувчан ва портловчи суюқликлар сабаб бўлиши мумкин. Шунинг учун омборларда ва идишларда ушбу моддаларнинг захирасини минималлаштириш талаб қилинади. Бундан ташқари, контейнерларни қўриқланадиган жойларда, кўмилган ҳолда ёки бинолар ичида, фавқулодда вазият таъсиридан муҳофаза қилган ҳолда сақлаш керак. КТЭЗМнинг атроф муҳитга тарқалишининг олдини олишнинг яхши усули бу пастлик жойларга оқиш йўллари (жарликлар, бўшлиқлар ва ҳ.к) ташкил этиш, уларни чуқурлаштириш ва бошқа технологик тизимлар қуриш, махсус ер ости ҳажмлари, қувурлар қуриш, орқага оқишга йўл қўймайдиган клапанлар билан, ўз-ўзидан ёпиладиган қопқоқлар билан таъминлаш ишлари олиб борилади. Шу билан бирга, ёнувчан суюқликлар, КТЭЗМлар ва бошқа хавфли моддалар сақланадиган омборлар ва контейнерлар шамолнинг асосий йўналишини ҳисобга олган ҳолда жойлаштирилади.
Иккиламчи омиллар таъсирида зарарни камайтиришнинг яхши усули бу КТЭЗМни бошқа моддалар билан алмаштиришдир. Агар ўрнини босувчи моддаларга ўтиш имкони бўлмаса, зарарсизлантирувчи моддалар захираси яратилади.
Автоҳалокат, портлаш, ҳудуднинг газ билан ифлосланиши ва бошқалар тўғрисида ишчиларга (хизматчиларга) хабар бериш муҳим. Бунинг учун корхона цехларида автоматик сигнализация воситаларини жорий этиш зарур. Ёнғинларнинг оқибатларини камайтириш учун сув пардасини, ёнғинни тўхтатиш мосламаларини ўрнатиш, ёнғинни ўчириш ёки локализация қилиш даврида ёнғин ўчириш кучлари ва воситаларининг ҳаракатланишини таъминлаш учун шароит яратиш, сув, сунъий сув ҳавзалари яратиш, ёнғинга чидамли иншоотлардан фойдаланиш ва бошқаларни амалга ошириш талаб этилади.
Иккиламчи шикастловчи омиллар натижасида келиб чиқиши мумкин бўлган оқибатларнинг олдини олиш учун, шунингдек, қисқа туташув пайтида материалларнинг ёнишини истисно қилиш мақсадида электр энергиясини автоматик равишда ажратиб қўядиган қурилмаларни ўрнатиш керак. Босим таъсирида отилиб кетадиган панеллар, ўз-ўзидан очиладиган деразалар ва бошқаларнинг ўрнатилиши портловчи моддаларнинг ҳалокатли таъсирини локализация қилишга ёрдам беради.
Ишлаб чиқаришни бошқаришнинг ишончлилиги ва самарадорлигини таъминлаш
Табиий, техноген ва экологик хусусиятли фавқулодда вазиятларда ИО бошқарувининг ишончлилиги қуйидаги чоралар билан таъминланади:
Бир-бирининг ўрнини боса оладиган бошқарув кадрлари ва етакчи мутахассисларни тайёрлаш. Малакали ишчилар орасидан етишмайдиган мутахассислар ўрнини босадиган кадрлар тайёрлаш.
Ишлаб чиқаришни бошқариш ва амалга оширишни, қутқарув ва кечиктириб бўлмайдиган ишларни ташкил қилишни ўз зиммасига оладиган 2-3 та назорат гуруҳини яратиш (сменалар сонига кўра).
Хавфли ишлаб чиқариш объектининг панажойида ёки бошқа мустаҳкам жойда алоқа тизими, диспетчерлик пункларидан иборат бошқарув хонасини ташкил қилиш.
Захира ер ости алоқа тармоқларини яратиш орқали, объектда юқори сифатли ва барқарор алоқани таъминлаш. Мобил алоқа тармоқлари учун куч ва воситалар яратиш, шу жумладан электр станциялари билан таъминлаш.
Бошқарув аппарати ходимларини, авария-қутқарув хизмати ходимларини хабардор қилиш мақсадида замонавий огоҳлантириш мосламаларини ўрнатиш.
Фавқулодда вазиятларда қутқарув гуруҳларини мунтазам радиостанциялар билан таъминлаш, уларнинг ишлаш режимини белгилаш.
Огоҳлантириш сигналларини қабул қилиш ва уларни мансабдор шахслар, тузилмалар ва объект ходимларига етказиш учун аниқ тизимни ишлаб чиқиш.
ИОнинг барқарорлигини таъминлаш учун муҳандислик-техник тадбирлар қандай амалга оширилади?
Do'stlaringiz bilan baham: |
