Farmakologiya

Karboangidraza ingibitorlariga, asosan, diakarb preparati
kiradi. Kimyoviy tuzilishi bo‘yicha sulfanilamid sinfiga kiradi.
Farmakologik ta’siri natijasida karboangidraza fermenti to‘siladi.
Oqibatda, kanalchalar epiteliysida ko‘mir kislotaning hosil
bo‘lishi tormozlanadi, dissotsiatsiyaga uchrab, vodorod ionlari
ajraladi. Natriyning so‘rilishi uchun vodorod almashinuvi sodir
bo‘lmaydi. Bikarbonatlar birlamchi peshob tarkibida chiqa
boshlaydi. Peshob muhiti ishqoriy bo‘lib qoladi, qonda esa
asidoz holati yuz berishi mumkin.
Diakarb ham, boshqa diuretiklar singari, kaliy va vodorod
ionlarining ajralishiga olib keladi. Diakarb ichilganidan keyin
qonga tez so‘riladi, 2 soat ichida ta’siri yaxshi bilinadi va
6—8 soat davom etadi. Preparat qayta qabul qilinganida ta’siri
susaya boshlaydi. Shu sababli preparat 2—4 kun berilgandan
keyin shuncha kun tanaffus qilib turiladi.
Diakarb yurak va jigar kasalliklari bilan bog‘liq shishlarga
davo uchun buyuriladi.

---

237