Ғаниев Достон Абдисаттор ўғли

Тадқиқотнинг илмий янгилиги
- “аҳоли бандлиги”, “эҳтиёжманд қатлам” тушунчаларининг мазмун моҳиятига аниқликлар киритилди, иқтисодий ҳамда социологик назарияларни илмий-назарий тахлил қилиш орқали ўрганилди;
- аҳолининг турли қатламлари билан ишлашда ижтимоий иш ҳодимларининг рол ва функциялари касбий-коммуникатив вазиятларда барқарор муносабат, самарали мулоқот стратегияларини танлашда ижтимоий ёндашувнинг қайта алоқага киришиш даражасини ҳисобга олиш асосида ишлаб чиқилган;
- аҳолининг эҳтиёжманд қатламлари бандлигини таъминлашнинг замонавий тенденциялари (инновацион метод ва воситалари мажмуи, “ижтимоий тадбиркорлик”, “инклюзив бизнес”) Фарғона вилояти ҳусусиятларини контент анализ қилиш бўйича тизимлаштириш асосида такомиллаштирилган.
Тадқиқотнинг асосий масалалари ва фаразлари. Ижтимоий ҳимоя тизимининг шахсга йўналганлик концепцияси асосида аҳолининг эҳтиёжманд қатламлари бандлигини таъминлаш ҳамда жамиятда социал боқимандалик муаммоларини ҳал қилишда ижтимоий иш ходимларининг ишлаш усулларини такомиллаштириш зарурияти.
Тадқиқот натижаларининг назарий ва амалий аҳамияти. Тадқиқот натижаларининг илмий аҳамияти “аҳоли бандлиги”, “эҳтиёжманд қатлам”, “ижтимоий таъминот” каби атамаларнинг “ижтимоий тадбиркорлик”, “инклюзив бизнес” каби тушунчаларнинг мазмуни муаллифлик ёндашуви асосида ёритиб берилганлиги, аҳолининг эҳтиёжманд қатламлари бандлигини таминлашга таъсир кўрсатадиган омиллар моҳиятининг очиб берилганлиги, аҳоли бандлигини таъминлашнинг замонавий йўналишлари аниқлаштирилганлиги, улар билан ишлашда ижтимоий иш ходимларининг рол ва функцияларини такомиллаштириш билан изоҳланади.
Тадқиқотнинг амалий аҳамияти ижтимоий соҳада, маҳалла ва оилани қўллаб-қувватлаш бўлимларида аҳолининг эҳтиёжманд қатламлари бандлигини таъминлаш жараёнига ижтимоий тадбиркорлик ва инклюзив бизнесни татбиқ этиш имкониятининг аниқланганлиги, ижтимоий тадбиркорлик асосида аҳолининг эҳтиёжманд қатламлари бандлигини таъминлашга қаратилган касбга ўқитиш курслари ишлаб чиқилганлиги билан изоҳланади. Тадқиқот доирасида ишлаб чиқилган илмий-амалий тавсиялардан, маҳалла ва оилани қўллаб-қувватлаш бўлимларида, хотин-қизларни тазйиқ ва зўравонликдан химоялаш реаблитация марказларида вилоят бандлик бошқармасида, бандлик марказларида фойдаланиш мумкин.