«fаlsаfа» modulidan oʼquv-uslubiy mаjmuа

Urush va tinchlik muammosi. Harbiy soha jamiyat hayotining eng isrofgar sohasi hisoblanadi. Аyni shu sababli jamiyat hayotidan urushni bartaraf etish va yerda mustahkam tinchlikni taʼminlash butun dunyoda mavjud barcha global muammolar orasida eng muhimi deb eʼtirof etiladi. Uning keskinligi barcha zamonlarda hech qachon pasaymagan boʼlsa-da, XX asrda u nafaqat ayrim kishilar, xalqlar, balki butun insoniyat oldiga «oʼlish yo qolish?» degan mudhish savolni qoʼyib, alohida, fojeaviy mazmun va ahamiyat kasb etdi.
Global muammolarni hal qilishda xususiy va umumiy manfaatlar. Har bir xalq, har bir mamlakat xalqaro munosabatlarning u yoki bu tartibida, davlatlararo savdo oqimlarining yoʼnalishi va kapitallarning taqsimlanishida oʼz muayyan manfaatiga ega boʼladi. Ular tabiiy resurslardan foydalanish, atrof muhitni saqlash va shu kabi masalalarda doim oʼz manfaatlarini himoya qiladiki, bu ularning siyosatida umumiy masalalarda ham, xususiy masalalarda ham bevosita aks etadi va boshqa mamlakatlar siyosatiga oʼxshamasligiga sabab boʼladi. Baʼzan ichki manfaatlar umumiy manfaatlardan ustunlik qiladi.
Xulosalar. Insoniyat oʼzini oʼzi tashkil etuvchi jonli tizim sifatida oʼz mavjudligi uchun kurash olib bormoqda, yaxshiroq kelajakka erishishga harakat qilmoqda. Bunda hozirgi globallashuv jarayonlari va ular yuzaga keltirayotgan turli muammolar insoniyat oldida tarqoqlik va Ixtiloflarni engib, oʼz birligi sari harakat qilish, ayni vaqtda madaniyatlar, asriy anʼanalarning oʼziga xosligini, ayrim millatlar va xalqlarning xususiyatlarini saqlashdan boshqa chora qoldirayotgani yoʼq.
Takrorlash uchun savollar
1. Globallashuv jarayonlarini nazariy jihatday shakllangan?
2. Falsafada urush va tinchlik muammosi nimani oʼrganadi?
3. Globallashuvdagi falsafiy jihatlar qaysilar?
4. Globallashuv va korruptsiyaning falsafiy muammosi nima hisoblanadi?
«Аdabiyotlar
1. Madaeva va b. Falsafa. –Toshkent: OʼzMU nashiryoti, 2019.
2. Q.Nazarov va b. Falsafa asoslari: o‘quv qollanma. - Toshkent: O‘zbekiston
faylasuflari milliy jamiyati, 2018. - 380 b.
3.Falsafa. Аxmedova M. tahriri ostida. -Toshkent: Oʼzbekiston
faylasuflari milliy jamiyati, 2006.
4. Izzetova E., Poʼlatova D. Filosofiya. -Toshkent: Sharqshunoslik, 2012. 340-b