Falsafa fanining asosiy maqsadi va bo`lg`usi pedagoglarda o`qitilishining nazariy-amaliy ahamiyati

SHarl Lui Monteske (1689-1755) Geografik determinizm asoschilaridan biri jamiyatda tartib va axloqni saqlash uchun zarur bo’lgan dinning funktsional roli kontseptsiyasini rivojlantirdi.

XVIII asrning ikkinchi yarmida ma’rifatchilik harakati keng demokratik qamrov kasb ketdi. Fransiyada bosh muharriri va tashkilotchisi D.Didro bo’lgan «Ensiklopediya» nashri atrofida jipslashgan ilg’or mutafakkirlar, olimlar va yozuvchilardan iborat «faylasuflar partiyasi» paydo bo’lgani to’g’risida so’z yuritila boshladi. Bu «faylasuflar partiyasi»da Didro bilan bir qatorda Gelvetsiy va Golbax, shuningdek Lametri etakchi rol o’ynadi. Ular materializmning faylasuflar va falsafiy maktablarning keyingi avlodlariga kuchli ta’sir ko’rsatgan ancha rivojlangan shaklini yaratdilar.

Yangi davr G’arb falsafasidagi asosiy muammolar. Ontologik va gnoseologik muammolar. Ontologik muammolar XVIII asr frantsuz ma’rifatchilari namoyandalari tomonidan asosan materialistik va ateistik nuqtayi nazardan o’rganilgan. Bu Didro, Golbax, Lametri va Gelvetsiy falsafasining o’ziga xos jihatlaridan biridir. O’z davrida katta shov-shuvga sabab bo’lgan «Inson – mashina» asarining muallifi Jyulen Ofre de Lametri (1709-1751) moddiy dunyo «o’z holicha mavjud» ekanligiga, uning boshi ham, oxiri ham yo’qligiga ishonchi komil bo’lgan. Lametri materializmi Epikurning atomistik materializmi, Spinozaning materialistik ta’limoti va Lokk sensualizmi ta’sirida vujudga kelgan. Lametri jonni aql faoliyati funksiyasi va ko’rinishi deb hisoblagan va Dekartning umrboqiy nomoddiy jon haqidagi g’oyasi asossiz ekanligini isbotlashga harakat qilgan.