Fakultetlararo jismoniy madaniyat va sport

II Bob. MASHG’ULOT JOYINING XUSUSIYATLARI VA JIHOZLAR HAMDA G’OVLARLAR OSHA YUGURUVCHILARNING JISMONIY TAYYORGARLIGI


Yuguruvchi mashg’ulot joyiga qarab, badani sovib qolmaydigan qilib kiyinishi kerak, chunki badan sovishi ko’pincha jarohatlanishga olib keladi. Dastlabki mashg’ulot mashg’ulotlarida yo’lka qattiq bo’lsa, g’ovdan keyin yerga tushganda silkinuvchi oyoq ilik suyaklari atrofida og’riq paydo bo’lishi mumkin. Shuning uchun yangi boshlayotgan g’ov osharlar dastlabki mashg’ulotni yumshoq erda (maysazor yoki futbol maydonida) o’tkazganlari ma’qul. Zalda esa pol ustiga rezina poyondoz solish, tagi qalin va yumshoq poyabzal kiyish yoki poyabzal ichiga patak solish, depsinuvchi oyoqdagi tufli tovoniga pishiq rezinka ko’yib olish kerak. Ammo bularning hammasi vaqtinchalik choralar bo’lib,ulardan tezroq qutulishga harakat qilish kerek.

7-rasm. 100-110 mga g’ovlar oshib yuguruvchilar oyoq kiyimi

6-rasm. 3000 mga to’siqlar oshib yuguruvchilar oyoq kiyimi

Yo’lkaning g’ovlar qo’yiladigan joyi tekis bo’lishi kerak.
Stadionda manej yoki zalda bo’ladigan odatdagi, inventardan tashqari, g’ov osharga balandligi har xil yog’och yoki temir g’ovlar kerak bo’ladi. (Ayollar va qizlarni o’rgatish uchun, balandligi 50 sm g’ovlar bo’lishi kerak). G’ovning yuqori qismi yoriq yoki shikastlangan bo’lmasligi kerak. Mashg’ulotlarda musobaqalar qoidasida nazarda tutilganidan ko’ra yengilroq g’ovlar ishlatish (posangi kuchi kam bo’lishi) yoki tepa rejakasi olinadigan g’ovlar ishlatish yaramaydi.

8-rasm. Standart yengil atletika maydoni
G’ovning tepa rejakasiga tegib shikastlanmaslik uchun, oyoqqa maxsus sirap ko’yib (depsinuvchi oyoqning ichki to’pigi ustiga) olinadi. Salqin havoda g’ov oshar issiq qiyinishi kerak. Shim g’ovga tegmasligi uchun, uni o’ziga mos qilib tanlash kerak. G’ovdan o’tish uchun sprintchilar kiyadigan mixli tuflidan kiygan yaxshi.