Ф. Жуманова, С. Авазова, Г. Жобборова, У. Хуснетдинов

Биринчи босқич (1997 - 2001 йиллар) мавжуд кадрлар тайёрлаш тизими-
нинг ижобий салоҳиятини сақлаб қолиш асосида ушбу тизимни ислоҳ қилиш 
ва ривожлантириш учун ҳуқуқий, кадрлар жиҳатидан, илмий-услубий, молия-
вий-моддий шарт-шароитлар яратиш.
Иккинчи босқич (2001 - 2005 йиллар) Миллий дастурни тўлиқ рўёбга чи-
қариш, меҳнат бозорининг ривожланиши ва реал ижтимоий-иқтисодий ша-
роитларни ҳисобга олган ҳолда унга аниқликлар киритиш. 
Учинчи босқич (2005 ва ундан кейинги йиллар) тўпланган тажрибани 
таҳлил этиш ва умумлаштириш асосида, мамлакатни ижтимоий- иқтисодий 
ривожлантириш истиқболларига мувофиқ кадрлар тайёрлаш тизимини тако-
миллаштириш ва янада ривожлантириш. 
Бугунги кунда дастурда белгиланган босқичлар ва кадрлар тайёрлаш 
тизимини ривожлантиришнинг асосий йўналишлари бўйича ўтган даврда 
амалга оширилган ишларни сарҳисоб қилиш ва келгусидаги вазифаларни 
белгилаш бугунги куннинг долзарб муаммоларидан бири саналади. 
Ўзбекистон Республикасида узлуксиз таълим тизими, кадрлар тайёрлаш 
миллий моделини жорий этишнинг меъёрий, шу билан бир қаторда илмий-
назарий асоси бўлган “Кадрлар тайёрлаш миллий дастури тўғрисида”ги Қону-
нининг қабул қилинганлигига ҳам 23 йил бўлди. Республикамизда узлуксиз 
таълим тизими жорий этилгандан буён салмоқли ишлар амалга оширилди. 
Бироқ мамлакат ҳаётида вужудга келган айрим тизимли ижтимоий муаммолар 
ва камчиликлар мазкур қонунларни белгиланган муддатларда тўлиқ рўёбга 
чиқариш имконини бермади. Шу сабабли 2017 - 2021 йилларда Ўзбекистон 
Республикасини ривожлантиришнинг бешта устувор йўналиши бўйича Ҳара-
катлар стратегиясига мувофиқ узлуксиз таълим тизимининг барча бўғинлари 
ривожланган хорижий мамлакатлар (АҚШ, Япония, Жанубий Корея, Фран-
ция, Германия) таълим-тарбия тизимининг қиёсий таҳлили асосида тубдан 
ислоҳ қилинмоқда. Бу ҳақда 1-мавзуда атрофлича баён этилган.