Ф. Жуманова, С. Авазова, Г. Жобборова, У. Хуснетдинов

 видеометод – атроф-муҳитдаги ҳодисаларни мультимедиа воситасида 
намойиш этиш ва ҳ.к.);
3) амалий методлар гуруҳи:

 лаборатория иши методи – махсус ускуна-жиҳозлардан фойдаланиб, 
мустақил илмий-тажриба ўтказиш;

 амалий иш методи – олинган билимларни амалиётда қўллаш кўник-
масини шакллантириш;

 машқ методи – ўқув ҳаракатларини қайта-қайта бажариш;

 ўқув-ишлаб чиқариш меҳнати методи – ўқув амалиётини ўташ;
II. Дидактик мақсадларга кўра таълим методлари (М.А. Данилов ва 
Б.П. Эсипов ва бошқалар бўйича) (8.3-расм):  

янги билимни ўзлаштириш методлари гуруҳи: оғзаки баён, суҳбат, 
китоб билан ишлаш, мунозара, лаборатория иши каби методлар;

 билимларни мустаҳкамлаш методлари гуруҳи: машқ, амалий иш ка-
би методлар;
III. Билиш фаолияти табиатига кўра таълим методлари (8.4-расм):

 тушунтириш-мисол келтириш методи – ўқитувчи турли воситалар 
ёрдамида ўқувчига тайёр ахборотни билдиради, ўқувчи уни идрок этади, анг-
лайди ва эсда сақлайди;

 қайта тиклаш методи - ўқитувчи ахборотни тайёр кўринишда ту-
шунтиради, ўқувчи уни ўзлаштиради ва хотирасида қайта тиклайди;

 муаммоли-баён методи – ўқитувчи вазифаларни ўртага қўяди ва ўзи 
ҳал этади, ўқувчи тайёр билимларни, хулосаларни қабул қилади, англайди ва 
ўқитувчининг фикрий ҳаракати ва исботлаш мантиғини кузатиб боради; 

 қисман-изланиш (савол-жавоб) методи – ўқитувчи ўқувчини изла-
ниш амалларини бажаришга жалб этади, ўқувчи топшириқни қисман мустақил 
бажаради;

 тадқиқий метод – ўқувчининг билимларни ижодий излаши (билими-
ни орттириш, нарса ёки ҳодисани текшириш, хулоса қилиш, олган билими ва 
кўникмасини қўллашга ўрганиши);