Ф. Бордгача бўлган концепциялар (1961) Х. Мовиуса назарияси

З. А. Абрамова СССР сўнгги палеолити номли обзорда [Абрамова, 1984а] Самарқанд маконини сибир-мўғул провинцияси доирасига киритишни шубҳа остига қўяди. Унинг айтишича, Самарқанд макони1958-1960 йй. даги коллекциясидаги галькали қуроллар коллекциянинг бешдан бир қисмини ташкил қилади, «улар кўпроқ сандонлар, ушатғичлар, отжимник-ретушерлардан иборат» [там же, стр. 308]. Бу хулоса ушбу қуролларни болталар, теслолар, рандалар, чоппер ва чоппинглар деб аниқлаган Д. Н. Левнинг фикрига тўла қарама-қарши келади.
Самарканд маконини сибирь-мўғул маданиятлари доирасига киритиш муаммосига 2000 йилда Г. Ф. Коробкова ва М. Д. Джуракуловлар ўзларининг «Самарқанд макони Ўрта Осиё юқори палеолити учун эталон сифатида» [Коробкова, Джуракулов, 2000] номли монографиясида яна қайтадилар. Унда Г. Ф. Коробкова ёдгорликнинг юқори қатламидаги барча материалларни комплекс таҳлил қилиб,⁴ шу асосда Самарқанд макони индустриясини Сибирь маданиятлари (мальта-буреть, кокорева ва афонтовская) ҳамда Шугноу (Тожикистон) материаллари билан қиёслади. Натижада, тадқиқотчилар юқорида тилга олинган маданиятлар билан Самарқанд макони ўртасида уларнинг умумийлигини кўрсатувчи белгиларнинг йўқлигини исботладилар. Ўхшашликлар Мальта ва Буреть ёдгорликлари индустриялари билан Самарқанд макони комплекси орасида кузатилади, бу комплексларда, Самарқанд маконида бўлгани каби «айрим кертикли учириндилар ва пластинкалар, учлари тагйўнишли исканасимон қуроллар, галькали қуроллар ва қирғичлар» мавжуд [там же, стр. 458]. Маконлар инвентарлари орасида кузатилган аналогияларни муаллифлар «даврий ва региональ типдаги конвергент ҳолат» билан боғлайдилар [там же]. Монографининг асосий хулосаси: «Самарқанд макони билан Сибирь ёдгорликлари ўртасидаги тилга олинган ўхшашликлар ушбу комплексларнинг турли тадқиқотчилар томонидан амалга оширилган Сибирь-Осиё маданияти доирасига кириши ҳақидаги хулосаларини тасдиқлайди» [там же, стр. 460].
Шундай қилиб, кўзга кўринган интерпретацион модуллар асосида регионнинг палеолит даври ёдгорликларини қуйидаги умумий хусусиятларини ажратиб кўрсатиш мумкин:

1.