Ф. Бордгача бўлган концепциялар (1961) Х. Мовиуса назарияси

Сўнгги палеолит
Ўрта Осиёда (Узбекистанда) юқори палеолит даври тарихи фрагментар тарзда намоён бўлади, негаки бу ерда ўрта палеолит ва мезолит даври ёдгорликларига нисбатан сўнгги палеолит даври ёдгорликларининг сон жиҳатидан диспропорцияси кузатилади ва мавжуд юқори палеолит даври ёдгорликлари орасида эса стратиграфиялашганлари жуда кам. Бунинг сабабини Р. Дэвис ва В. А. Рановлар ҳудунинг бундан 40 ва 25 минг йилликлар оралиғидаги депопуляцияга учраганлигида кўради [Davis, Ranov, 1999]. Г.П. Григорьев эса Ўрта Осиёда ўртадан сўнгги палеолитга ўтиш узоқ давом этган ва бу ерда классик нуқтаи назардан «соф» юқори палеолит мавжуд бўлмаган [Григорьев, Ранов, 1973]. Юқори палеолитнинг маданий-даврий схемалари Кўлбулоқ ва Самарқанд маконлари асосида қурилган¹¹.
Юқори палеолит даври комплексларининг белгиловчи хусусияти индустрияларнинг архаик кўринишида (бундай архаиклик мустье даври элементларининг – қирғичлар ва чопперлар ҳамда чоппинглардан иборат галькали қуролларнинг мавжудлиги тушинилади); шунингдек, «юқори палеолитга оид буюмлар орасида пластина ва микропластиналардан ишланган қуролларнинг, геометрик шаклларнинг ва микролитизациянинг йўқлигидадир» [Кривошапкин и др., 2009, стр. 75]. Таркибида галькали қуролларнинг кенг тарқалганлиги асосида Самарқанд юқори палеолит макони сибир-монголь провинцияси таркибига киритилган, ва улар мальта бурет маданиятининг галькали анъаналарини шаклланишига таъсир кўрсатган деб ҳисобланган [Окладников, 1955; Ранов, 1973; Джуракулов, 1987; Коробкова, Джуракулов, 2000].
2007 йилда Ўзбекистон Россия Бельгия халқаро экспедицияси Ўзбекистонда сўнгги палеолит даврини қайта ўрганишни бошлади. Бундан мақсад, биринчидан, Обирахмат ғорини ўрганиш жараёнида илк сўнгги палеолитга оид комплекс аниқланди (2-14 қатламларда) [Деревянко, Кривошапкин, 2001], шундан келиб чиқиб ушбу индустриянинг анча кейинги комплексларда қандай тараққий қилганлиги масаласи кўндаланг бўлиб қолди. Иккинчидан, 2000-йилларнинг бошларида М. Отт ва Я. К. Козловскийларнинг [Отт, Козловский, 2001; Otte, Kozlowski, 2004] концепцияси шаклланди, унга кўра «ориньяк маданияти¹² Осиёда пайдо бўлиб, шу ердан шимолий-шарқда Олтойга ва ғарбда Европа қитъасигача тарқалган», деган фикр илгари сурилди [Отт, Козловский, 2005]; ушбу хулоса ҳудуднинг юқори палеолитига бўлган қарашларни тубдан ўзгартириб юборди ва уни янги археологик материалларда текшириб кўриш зарурати туғилди.
2007 йилдан 2010 йиллар оралиғида сўнгги палеолитга оид Кўлбулоқ, Кызыл-Алма-2, Додекатым-2 ёдгорликлари ўрганилди. Техник типологик таҳлиллар асосида ушбу ёдгорликлар индустриялари орасида аналогиялар кузатилди ва маданий анъанага ажратилди. Ушбу маданий анъананинг илк босқичлари Кызыл-Алма-2 материаллари, сўнгра у Еўлбулоқнинг юқори палеолитга оид комплексларида кузатилиши ва кейинчалик Додекатым-2 материалларида давом этиши аниқланди. Ушбу маданий анъана қуйидаги хусусиятлари билан ажралиб туради: «бирламчи чақмоқлаш призматик ва ёнлама нуклеуслардан майда пластинкалар ҳамда каранесимон нуклеуслардан микропластинкалар ишлаб чиқаришга қаратилган. Тош қуроллари орасида ретушланган пластинка ва микропластинкалар, исканасимон қуроллар ва йўнилғиларнинг учларида шакллантирилган қирғиччалар (микроқирғиччалар ҳам мавжуд) кўпчиликни ташкил қилади» [Кривошапкин, Колобова, Харевич, 2009, стр. 90]. Ушбу маданий анъанага Самарқанд маконини киритиб бўлмайди, негаки, Самарқанд макони индустриясида микроинвентарнинг йўқлиги (микронуклеуслар мавжуд бўлсада) ҳамда архаик макроқуролларнинг кўпчиликни ташкил қилиши қайд қилинган.
Шундай қилиб, 2007-2010 йиллардаги тадқиқотлар асосида Ўзбекистондаги сўнгги палеолит даври комплексларининг архаиклиги ҳақидаги тезис шубҳа остига олинди. Аксинча, прогрессив хусусиятлар кузатилди (каранесимон буюмлар, чақмоқлашнинг майда пластинкасимон характердалиги, микротановорлардан ишланган қуроллар). Шунингдек, ҳудуднинг юқори палеолит даврида депопуляцияга учраганлиги ҳақидаги тезис ҳам шубҳа остига олинди. Эҳтимол, сўнгги палеолит даври одамлари ландшафт маконларини ўзлаштиришдаги адаптацион стратегияларини ўзгартирган [Кривошапкин и др., 2009]. Тўдахотин-2 маконидан олинган маълумотлар микролитли анъаналарнинг анча эрта пайдо бўлганлигини кўрсатди. Илгари микролитлар чақмоқлаш мезолит давридан бошланган деб ҳисобланиб келинар эди ва синчиклаб ўрганилганда Ўзбекистондаги мезолит даври ёдгорликлари келажакда қадимийлаштирилиши мумкин.
Ориньяк маданиятининг Осиёда пайдо бўлиши масаласига ҳозирча нуқта қўйилганича йўқ. Негаки, Ўзбекистоннинг сўнгги палеолит даври комплексларида ориньякни характерлайдиган фақат каранесимон тош буюмларгина қайд қилинган [Колобова, 2011, оғзаки маълумот].
Тадқиқотларнинг ҳозирги босқичида айтиш мумкинки, Обирахмат маданияти Яқин ва Ўрта Шарқнинг леваллуа комплекслари асосида шаклланган, Ходжакент-1,2, Кульбулак, Зирабулак, Кульбулак (23 слой) ёдгорликлари ўтиш даври типидаги Обирахмат маданияти доирасига киради. Ҳудудда Обирахмат маданиятининг кейинги тараққиёти сўнгги палеолитга оид Кызыл-Алма-2, Кульбулак, Додекатым-2 ёдгорликлари материалларида кузатилади. Эҳтимол, ҳудудда мезолит маданиятларининг шаклланиши Кўлбулоқ ва Тўдахотин кўринишидаги маҳаллий сўнгги палеолит даври асосида шаклланганлиги билан боғланади.

1^ Одним из ярких памятников, где, по мнению В. А. Ранова, представлена «галечная техника» является Самаркандская стоянка.

2^ Под термином «Галечная техника» В.А. Ранов понимает совокупность приемов обработки гальки как исходного материала, на позднепалеолитических памятниках эти орудия не определяют общий вид индустрии, но их значение для сибирско-монгольской провинции в этом случае очень велико [Ранов, 1970].

3^ Под «архаичным обликом индустрии» подразумевается сочетание, типично верхнепалеолитических изделий (скребки высокой формы, нуклеусы для получения микропластинок, резцы) со среднепалеолитическими (скребла, леваллуазские нуклеусы, чопперы).

4^ Использовались типолого-морфологический, технический и трасологический анализы.

5^ «Постмустье» - эпоха переживания мустьерских элементов верхнепалеолитическое время в афро-азиатской зоне [Григорьев, Ранов, 1973].

6^ Р.Х. Сулейманов ўзининг тузилмаларини фақат Ўзбекистон ёдгорликлари мисолида асослайди, бошқа Республикаларнинг ёдгорликлари тайёр бўлган концепцияга боғланади. Бу муаллифга тўлиқ техник типологик таҳлиллар учун Ўзбекистонннинг материаллари етарли бўлганлиги билан изоҳланади ва шунинг учун қолган республикалар материаллари шунчаки қараб чиқилади.

7^ В концепции В.А. Ранова по среднепалеолитическим памятникам выделяются четыре фации, но только две из них выделены на основании памятников Узбекистана.

8^ Данные памятники не были включены в построения В. А. Рановым, потому что его выводы были основаны на самых ярких, маркирующих памятниках региона, к которым не относились Учтут, Вауш, Иджонт и Аман-Кутан

9^ М.Р. Касымовым на стоянке было 49 слоев, из них нижние 22 слоя постулировались как ашельские.

10^ 3 қатлам М.Р. Қосимовнинг 4 қатламига тўғри келади.

11^ К комплексу Самаркандской стоянки относились памятники со спорной стратиграфией – Сиабча и Ходжамазгиль.

12^ Ориньякская культура – одна из наиболее ранних верхнепалеолитических культур. Характерные черты: кареноидные изделия (нуклеусы, скребки высокой формы (килевидные) и с носиком), изогнутые пластинки с ретушью по одному краю, костяные остроконечники с расщепленным основанием, развитый символизм (подвески, бусы, мелкие скульптурные изображения животных и людей) [Вишняцкий, 2010, стр. 207].