Европейский Централный Банк (ецб)

Англия Банки ҳозирги босқичда 
Англия банки, бошқа давлатларнинг марказий банклари сингари, бугунги 
кунда ўзгараётган шароитларга мослашиш борасида, ундан янги ҳаракатлар 
талаб қилинаётган бир пайтда молиявий ва иқтисодий ўзгаришлар марказида 
бўлиб қолмоқда. Булар уларнинг функциясида, фаолиятни ташкил қилишда 
ва технологияда ҳамда банклараро кооперацияда ва халқаро ҳамкорликда 
радикал янги ёндашиш билан, тамойилиал ўзгаришлар киритилишини талаб 
қилмоқда. 
Англия Банки бажарадиган кўпсонли функцияларни иккита гуруҳга 
бўлиш мумкин: 
1-гуруҳ. Банк мақомидан келиб чиқадиган, тўғридан-тўғри профессионал 
(депозитлар-ссудалар, ҳисоб-китоблар ва эмиссия операциялари бўйича) 
мажбуриятлар; 
2-гуруҳ. Назорат функциялари, яъни давлат унинг ёрдамида пул-кредит 
тизимига аралашади ҳамда иқтисодий жараёнларни кечишига таъсир 
қилишга ҳаракат қилиб кўради. 
Ушбу ролларни бажаришда Англия Банки энг аввало анъаналарга суяниб 
иш тутади, юридик нормалар кейинги режада туради. Кредит-банк 
муассасаси фаолиятини регламентга соладиган турли тартиб ва процедуралар 
ушбу муасасалар билан Англия Банки ўртасида худди “жентельмент 
келишуви” сингари белгиланган. 
Давлат, унинг марказий банки ва хусусий банклар ўртасидаги ўзаро 
муносабат хусусияти Англия Банкини бир вақтнинг ўзида худди “Ситининг 
ўнг қўли ва ҳукуматда Ситининг вакили” сифатида баҳолаш имкониятини 
беради. Бу Англия Банкига икки томонлама рол ўйнаш имкониятини беради, 
маблағлар билан пул-кредит сиёсатида яна ҳам эгилувчан ва эркин сиёсатда 
мустақил ҳаракатланиш имкониятини беради, бир пайтнинг ўзида эса 
Ситининг молиявий алигархлари шундай ишончда бўладиларки, улар 
хоҳлаган ҳукуматда ва хоҳлаган иқтисодий курсда ўзларини манфаатларини 
ҳимоя қила оладилар.
Англия Банкининг алоҳида функцияларига кенгроқ ва аниқроқ тўхталиб 
ўтамиз. 
Англия Банкининг кўп сонли функциялари мавжуд, уларни барчаси учта 
бош мақсадга эришишга қаратилган. Улар: 

---

60 
1.
Ҳукумат билан келишган ҳолда энг аввало бозордаги операциялар 
ёрдамида миллий валюта қийматини ушлаб туриш, бошқача сўз билан 
айтганда пул сиёсатини амалга ошириш; 
2.
Банклар, Ситидаги молиявий бозор иштирокчилари устидан 
тўғридан-тўғри назорат олиб бориб, молиявий тизим барқарорлигини ҳамда 
мустаҳкам ва самарали тўлов тизимини таъминлаш; 
3.
Мамлакат ичкарисида молия тизимини рақобатбардошлигини 
таъминлаш ва самарадорлигини ошириш ҳамда Лондон Ситининг йирик 
халқаро молиявий марказ сифатида позициясини мустаҳкамлаш.