Ёритиш электр

5.17. Яширин электр ўтказгичларни монтаж қилиш

Сувоқлар тагидан ўтказиладиган ва қурилиш конструкцияларининг берк каналларида, шунингдек, қурилиш конструкциялари тайёрланаётган пайтда улар ичида қўйиб юбориладиган электр ўтказгичлар яширин электр ўтказгичлар дейилади.
Алмаштириладиган ва алмаштирилмайдиган яширин электр ўтказгичлар бўлади. Алмаштириладиган яширин электр ўтказгичлар алмаштирилмайдиган–ларидан бажарилиш технологияси, шунингдек, линиянинг бирор сими шикастланганда уни осон алмаштириш мумкинлиги билан фарқ қилади.
Алмаштириладиган яширин электр ўтказгичларни монтаж қилиш да трассада биринчи навбатда узун қутилар ва ичида ингичка симлар ўтказилган найчалар ўрнатилади, сўнг шу ингичка симлар ёрдамида тайёрлаб қўйилган ўтказгич қисмлари найчанинг ичидан ўтказгич қисмлари найчанинг ичидан ўтказилади. Олдин найчалар ичида ўтказгичларни киргизиб, кейин уларни трассада ётқизиш ва маҳкамлаш ҳам мумкин, бунда зарурат туьилганда найчадан ўтказилган исталган симни алмаштириш мумкин бўлади.
Алмаштирилмайдиган яширин электр ўтказгичларни монтаж қилиш да олдин найчалар ичидан ўтказгичлар ўтказилади, сўнг ўтказгичли найчаларни лозим бўлган томонга истаганча букиб, энг қисқа масофада ётқизилади, ундай кейин қурилиш конструкцияларига қўйиб, устидан сувалади ёки цемент қоришмаси билан қоплаб текисланади. Яширин электр ўтказгичларни алмаштириладиган ва алмаштирилмайдиган қилиб ўтказишга мисоллар 5.37–расм, а,б да келтирилган.

5.37–расм. Ёпиқ электр ўтказгичлар ўтказишга мисоллар:

а–алмаштириладиган, б–алмаштирилмайдиган.


Алмаштириладиган яшириш ўтказгич симлари тармоқлаш қутиларига шундай танавор билан киритиладики, уларни пресслаш ёки пайвандлаш йўл билан бириктириш мумкин бўлсин.
Яширин электр ўтказгичлар суваш ва текислаш ишлари тамом бўлгандан кейин, оқлаш ва бўяш ишлари бошланмасдан олдин ўтказилади. Улар асосан қисман бикр резина ва резина–битум ёки пластмасса найчалар ичидан ўтказилади.