Ердан фойдаланиш” кaфедрaси ердан фойдаланиш иқтисоди фaнидaн

4.Ноқишлоқ хўжалик мақсадлари учун ер ажратишни иқтисодий асослаш
Ноқишлоқ хўжалик корхоналари, ташкилотлари ва муассасалари учун ерларни олиш ва ажратиш, уларнинг ерларини тартибга солиш хўжаликлараро ер тузиш лойиҳалари асосида олиб борилади. Йирик объектларни қуришга ерларни олиш учун материаллар тайёрлашда уларни лойиҳалаш бошлангунча иқтисодий ва экологик омилларни, объектларнинг жойлашадиган ўринларини танлашни ва уларнинг ўлчамларини ҳисобга олган ҳолда ер ажратишнинг мақсадга мувофиқлигини техник-иқтисодий асослаш ишлаб чиқилади.
Ноқишлоқ хўжалик мақсадларига ерларни олиш ва ажратиш лойиҳаси қуйидагиларни ўз ичига олади:
ажратиладиган ер участкасининг жойлашишини, майдонини ва чегараларини асослашни;
олинаётган ерларнинг таркибини ва қийматини аниқлашни;
ер ажратишнинг ишлаб чиқаришни ривожлантиришга, аҳолига, ҳудудни ташкил этишга, ерларни ва атроф муҳитни муҳофаза қилишга салбий таъсирларини тугатиш бўйича тадбирларни танлашни;
ер эгалари ва ердан фойдаланувчиларга тўланадиган зарарлари, қишлоқ ва ўрмон хўжаликлари ишлаб чиқаришлари зарарлари миқдорларини аниқлаш ва асослаш, уларни қоплаш йўлларини кўрсатишни;
бузиладиган ерларни рекультивациялашнинг ҳамда олинадиган ер участкасининг унумдор тупроқ қатламини қирқиб олиш, сақлаш ва фойдаланишнинг техник шароитларини;
тузилаётган корхоналарнинг муҳофаза минтақаларини белгилашни;
ердан фойдаланиш шароитлари ва тартиби бўйича тавсияларни;
ер солиғи миқдорини белгилаш учун бошланғич маълумотларни;
лойиҳада кўзда тутилган тадбирларни амалга ошириш навбатини, ажратилган ер участкаларидан фойдаланишга ўтиш тартибини.
Ноқишлоқ хўжалик мақсадлари учун майдони катта ерларни олишда лойиҳа таркибида мавжуд ер эгаликлари ва ердан фойдаланувчиларни қайта ташкил этиш бўйича тавсиялар ишланади.
Тасдиқланган лойиҳа натурага (жойларга) кўчирилади. Унинг асосида ердан фойдаланиш ҳуқуқини тасдиқловчи ҳужжатлар тайёрланади ва берилади.

МAВЗУГA ОИД AСОСИЙ ДAРСЛИКЛAР ВA ЎҚУВ ҚЎЛЛAНМAЛAР

Aсосий aдaбиётлaр:

1. Aвезбaев С, Волков С. Н. Ер тузиш иқтисоди. - Т.: «Янги aср aвлоди», 2002.
2. Волков С.Н. Экономикa землеустройствa. Москвa.: «Колос», 1996. – 370 б.