Ер юзида абадий бўлсин ҳаёт! Иккинчи жаҳон урушида жасорат кўрсатиб,ўз юртини

12. Атажонов Шомурот 1915-йилда туғилган. Урушга 1942-йилда кетиб бедарак йўқолган. Атажонов Қўчқорнинг укаси.
13.Ҳамқишлоғимиз Отоқов Матсопо (Отоқова Халиманинг отаси)1941-йилда Ватанни ҳимоя қилиш учун урушга отланиб жангларнинг бирида вафот этган ва бу тўғрисида оиласига машъум хабар келган.


Малай маҳалласидан
1.Қутлимуротов Тоживой 1921-йилда туғилган.1940-йил 5-сентабрь куни армия сафига чақирилади ва ўша жойдан биринчилардан бўлиб душманга қарши чиқади.1942-йил декабрь- июль ойларида 257-шарқий ўқчи полкда жанг қилаётиб 4-декабрь куни б ошидан яраланади ва госпиталда маълум муддат даволангач яна жанговор сафга қайтади.1942-йил декабрдан 1944-йил ноябрь ойларида 23-аэродром инженерлик баталёнида сапёр сифатида жангга кирган.1943-йил 6-март куни чап биқинидан фашист газандаларнинг ўқи тегиб яна санбатга тушади ва даволаниб яна ўз ўрнини эгаллаган ва Ватан ҳимоясида турган.1944-йил ноябрдан 1945-йил декабргача 59-гвардиячи ўқчи полкда пулемётчик бўлиб хизмат қилди.1945-йил 10-декабрда ўз уйига оғир ярадор ҳолда қайтиб келади.Унинг бу жасоратлари изсиз кетмаган албатта,давлат томонидан муносиб равишда тақдирланади:”Ватан уруши”ордени,ғалабанинг 25,30,40,50 йиллик медаллари,1994-йилда “Жасорат”медалининг соҳиби бўлади.Тиниб-тинчимас инсон урушдан кейин колхозда анча йиллар қишлоқдошларининг оғирини енгиллаштирган яни қўли гул уста бўлган. 2004-йил 6-февралда Тоживой ота вафот этди.
2 .Атажон Авезов 1914-йилда туғилган.1942-йил июль ойида Ватан олдидаги бурчини ўташ учун жангга отланган.1942-йилнинг оғир ва дахшатли жангларини бошидан кечирган.Шундай жангларнинг бирида чап оёғидан оғир ярадор бўлади,узоқ вақт госпиталда даволаниб,ҳарбий хизматга яроқсиз ҳолда 1943-йилнинг сентабрь ойида демоблизация қилинади.Бу мехнатсевар инсон узоқ йиллар колхозда ишлайди.

3 . Срабоев Қўшназар 1922-йилда туғилган. 1941-йилда ҳарбий хизматга чақирилиб Днепропетровский остоналарида,Белорус ўрмонларида кечган жангларда мардларча жанг қилган.Урушнинг охиригача жанговор сафда туриб Берлин остоналаригача етиб борган.Унинг бу жанговор хизматлари давлат томонидан муносиб тақдирланган: 3-даражали “Шуҳрат”орденини кўкрагига фахр билан таққан (Карпат тоғини кечиб ўтишдаги жасорати учун) ва яна бир неча орден ва медаллар соҳиби ҳамдир…1946-йилда ўз оиласи бағрига қайтиб келиб,ўқитувчи бўлиш истагида Урганч педагогика институтига ўқишга киради ва ёш авлодга муносиб тарзда билим беради.”Уруш хакида хикоя килганида синфда чукур сукут хукмрон буларди, биз худи урушда булгандек сезардик узимизни,”-деб эслайдилар укувчилари.Устознинг ёрқин хотираси мангу қалбимиздадир!
4.Дўсчанов Олимбой 1922-йил туғилган.Урушга 1941-йилда кетган . Ота бўлажак фарзандини кўролмай , уни ҳимоя қилиш учун душманларга қарши чиқиб ,Ватанни ҳимоя қилишга отланган . Турмуш ўртоғи ёлғиз ўзи фарзандларини вояга етказган .