Ер тузишни лойихалаш

 
 
3. Лойиҳалаш учун топшириқ ишлаш
Ҳар хил башоратлаш, режа олди ва лойиҳа олди ишлари, тайёргарлик 
ишлари материаллари асосида лойиҳалаш учун топшириқ тузилади. Лойиҳалаш 
учун топшириқни ишлаш ер тузиш бўйича лойиҳалаш ва илмий-текшириш 
институти (Ўздаверлойиҳа) ёки унинг бўлимлари мутахассислари томонидан, 
хўжалик раҳбарлари ва мутахассислари иштирокида бажарилади. Топшириқ 
лойиҳа институтида, қишлоқ хўжалик корхонасида кўриб чиқилади ва лойиҳа 
буюртмачиси томонидан тасдиқланади. У лойиҳалаш учун асос қилиб қабул 
қилинади.
Лойиҳалаш учун топшириқни ишлашда маъмурий туман ер тузиш 
чизмалари, хўжаликлараро ер тузиш лойиҳалари, ҳар хил техник-иқтисодий 
ҳисоб-китоблар ва асослашлар (агар улар технологик жиҳатдан хўжаликда ички 
ер тузиш лойиҳасидан олдин бажариладиган бўлса ва айниқса, агар лойиҳани 
ишлаш бир-бирлари билан ўзаро боғлиқ қишлоқ хўжалик корхоналари 
гуруҳлари бўйича бир вақтда ўтказилаётган бўлса) материалларидан 
фойдаланилади. Лойиҳалаш учун топшириқда яна ерлардан фойдаланиш ва 
уларни муҳофаза қилишнинг минтақавий (маҳаллий) дастурлари кўрсаткичлари 
ўз аксини топади, улар хўжалик ишлаб чиқариши ва ҳудудига тегишли бўлиб, 
ресурслар билан таъминланади ва молиялаштирилади. 
Ер тузувчи - лойиҳачилар учун лойиҳалашга топши-риқни ишлаш - 
хўжаликда ички ер тузиш лойиҳасини тузишдан олдинги энг аҳамиятли 
босқичдир. Лойиҳалаш учун топшириқ ишлашнинг асоси бўлиб, тайёргарлик 
ишлари давомида олинган материаллар ва маълумотлар ҳизмат қилади. 
Барча вазиятларда лойиҳалаш учун топшириқ қуйидаги маълумотларни 
ўзида мужассамлаштириши керак: 
лойиҳалаш учун асос; 
лойиҳанинг ҳисобланган (мўлжалланган) вақти; 
ҳисобланган муддатга хўжаликнинг ихтисослиги ва хўжаликлараро 
алоқалари (зарур ҳолларда); 

деҳқончилик ва чорвачилик ялпи маҳсулотларини ишлаб чиқаришнинг, 

уларнинг турлари бўйича натурал кўринишдаги ҳажмларининг пастки чегараси; 
ерлардан фойдаланиш тартиби; 
хўжаликнинг 
келажакдаги 
ташкилий-ишлаб 
чиқариш 
тузилиши, 
хўжаликдаги ишлаб чиқариш бўлимларининг
турлари, сони ва иҳтисосликлари; 

---

210 
қишлоқ хўжалик экинлари майдонлари таркиби, ҳосилдорлиги, 
дарахтзорлар ва ем-хашак олинадиган ерлар маҳсулдорлиги; 
моллар бош сони ва маҳсулдорлиги, тавсия этилган озиқлантириш 
рационлари; 
йўл ва сув хўжалиги қурилишлари бўйича тадбирлар; 
ҳайдалма ерларга ва бошқа қишлоқ ҳўжалик ерларига ўзлаштириладиган, 
суғоришга, захини қочиришга, рекульти-вациялашга мўлжалланаётган 
ерларнинг тахминий майдонлари; 
тубдан ва юзаки яхшилаш учун мўлжалланган қишлоқ хўжалик 
ерларининг тахминий майдонлари; 
ерларни муҳофаза қилиш бўйича режалаштирилаётган тадбирлар; 
лойиҳага бошқа таклифлар ва тилак-истаклар. 
Бу 
маълумотларни 
тайёрлашда 
ерларни 
иқтисодий 
баҳолаш 
материалларидан, тайёргарлик ишлари давомида ўтказилган уларнинг аҳволини 
ва фойдаланилишини тахлил қилиш натижаларидан фойдаланилади.
Шуни ҳисобга олиш керакки, топшириқнинг кўпчилик кўрсаткичлари кўп 
ечимлилик, оптималлашиш характерига эга ва кўплаб омилларга боғлиқ 
бўлади. Кўрсаткичларни аниқлаш жараёнида иқтисодий-математик, иқтисодий-
статистик усуллар ва компьютерлардан фойдаланилади.