Ёнfин хавфсизлиги

Ёнғин бўлган жойни суратга олиш /2; 7; 8/

Ёнғин бўлган жойни суратга олишнинг асосий мақсади. Расмга олиш турларининг мақсади: деталлаштирувчи, мўлжалловчи, боғловчи ва кенгайтирилган (ёйилган).
Ёнғин бўлган жойни суратга олишнинг қуйидаги тўрт тури мавжуд:
- мўлжалловчи - ёнғин бўлган жойни ва унинг теварак атрофини қайд қилиш;
- умумлаштирувчи - ёнғин бўлган жойнинг умумий кўринишини қайд қилиш;
- боғловчи - ёнғин бўлган жойдаги алоҳида нарсалар ва жойларни қайд қилиш;
- деталлаштирувчи - алоҳида излар ва ашёвий далилларни масштаб билан суратга олиш қоидаларига асосан қайд қилиш.
Фотосуратга туширишнинг ҳамма турларидан фойдаланган чоғдагина ёнғин бўлган жой ҳолати ҳақида тасаввурга эга бўлиш мумкин. Ёнғин бўлган жойни суратга олиш қонун талаблари бўйича расмийлаштириши зарур.
Фотосуратга тушириш қўлланилганда ёнғин бўлган жойни кўздан кечириш баённомасида қуйидагилар кўрсатилади:
-нима ва қайси нуқтадан суратга олинган;
-суратга олиш тури ва усули;
-ким суратга олган;
-суратга олиш шарт-шароитлари (объектив ва камера тури, ёруғлик, плёнка тури, светофильтр ишлатилган-ишлатилмаганлиги).
Кўздан кечириш баённомасига илова қилинадиган сурат жадвалига қуйидагилар ҳақида ёзувлар бўлиши керак:
-суратга олинган объект номи;
-ёнғин бўлган жойни кўздан кечириш санаси;
-сурат илова қилинаётган баённомаси;
-суриштурув (тергов) олиб бораётган ва суратга олаётган шахсларнинг имзолари.
Агар суратларни тайёрлаш имкони бўлмаса, унда бу ҳақда суриштурувчи маълумотнома ёзиб, имзо қўяди.
Ёнғин бўлган жойни кўздан кечириш баённомасига, шунингдек ёнғин бўлган жойнинг чизма-харитаси (оддий ёки ёйилган) ёки масштабли харитаси (оддий ёки ёйилган) ҳам илова қилинади. Харитада қуйидагилар кўрсатилади: нима кўрсатилган (номи); масштаб (масштабли харита учун); ер шари томонларининг мўлжали (ўқ чизиғи билан кўрсатилади); шартли белгилар; терговчи (суриштурувчи) ва холисларнинг имзоси.
Ёнғин бўлган жойнинг хариталари ҳам худди суратга олиш каби мўлжалловчи, умумлаштирувчи, боғловчи ва деталлаштирувчи турларга бўлинади.
Чизма-харитада акс эттирилган объектларнинг ўзаро ўлчамлари қаттиқ риоя қилинган ҳолда чизилмайди, масштабли харитада эса аксинча, объектлар ўлчамлари ҳақиқий катталигидан бир неча марта кичрайтириб, масштабга риоя қилган ҳоллда чизилади.

34.