Ёнfин хавфсизлиги

ДЁН органларининг ёнғинлар билан боғлиқ жиноятлар сабаблари ва уларнинг содир этилишига имкон берган шарт-шароитларни аниқлашлари тартиби /2; 6/

Дастлабки тергов ҳақида тушунча ва унда ДЁН органларининг иштирок этиш тартиби.
Жиноят-процессуал қонунчилиги талаблари бўйича (296-модда) жиноят ишларини юритишда суриштирувчи ёнғиннинг келиб чиқиш сабабларини ва унинг содир этилишига имкон берган шарт-шароитларни аниқлаши шарт. Терговчи ёки суриштирувчи уларни аниқлаб чиқиб, тегишли давлат органига, фуқароларнинг ўзини ўзи бошқариш органига, жамоат бирлашмасига, жамоага ёки мансабдор шахсга ана шу сабаб ва шарт-шароитлар бартараф қилиш чораларини кўриш тўғрисида тақдимнома киритади. Тақдимноманинг нусхаси эса ишга қўшиб қўйилади.
Тақдимнома юборилган давлат органи фуқароларнинг ўзини ўзи бошқариш органи, жамоат бирлашмаси, жамоа ёки мансабдор шахс зарур чораларни кўриши ва кўрилган чораларнинг натижалари тўғрисида кечи билан бир ойлик муддат ичида тегишли суриштирувчини, терговчини, прокурорни ёки судни хабардор қилиши шарт. Тақдимнома бажарилмаган ёки виждонан бажарилмаган тақдирда корхона, муассаса ёки ташкилотнинг айбдор раҳбари қонунда назарда тутилган жавобгарликка тортилади.
Ёнғиннинг келиб чиқиш ва тapқалиши сабаблари ва шарт-шароитларини ўрганиб чиққан ДЁН ходими айбдор шахсларни маъмурий жавобгарликка тортиш масалаларини, агар керак бўлса ўз мансабига совуққонлик билан қараган мансабдор шахсларни вазифаларидан четлатиш масалаларини ҳам қўйиши мумкин.
Ёнғинлар ва ёнғин хавфсизлиги қоидаларини бузиш бўйича суриштирув ишлари ДЁН органлари аппаратлари фаолиятида ҳам муҳим рол ўйнайди. Нега деганда, корхоналар ва бошқа халқ хўжалиги жабҳаларининг ёнғин хавфсизлигини таъминлаш учун тадбирларни ишлаб чиқишда, бўлиб ўтган ёнғинларнинг келиб чиқиш сабаблари ва шарт-шароитларини, қайси ёнғин хавфсизлиги қоидалари бузилганлигини билиш шартдир. Булар эса суриштирувнинг қайси даражада сифатли олиб борилишига боғлиқ.

7.