Ёнfин хавфсизлиги

Ёнғинларни суриштириш бўйича тезкор-тергов гуруҳининг таркиби ва унинг олдига қўйилган вазифалар /2/

Ёнғинларни суриштириш учун тезкор-тергов гуруҳи қайси мақсадда ва кимнинг кўрсатмасига (қайси ҳужжат талабига) биноан ташкил қилиниши кўрсатиб ўтилади. Тезкор-тергов гуруҳи таркибига айнан қайси ходимлар киритилиши зарурлиги ва уларнинг бажарадиган ишлари қисқача айтиб ўтилсин.
Ёнғинлар билан боғлиқ жиноят ишлари энг мураккаб ишлардан ҳисобланади, негаки ёнғин содир этилган жойни тўғри кўздан кечириш, ашёвий далилларни излаб топиш, олиб қўйиш ва уларни тадқиқот қилиш каби тергов ҳаракатларини амалга ошириш учун терговчи ёки суриштирувчида маълум техник тайёргарликни талаб қилади.
Ўзбекистон Республикасида ёнғинларни суриштириш бўйича ИИВ, ИИББ, ИИБ буйруқлари билан тезкор-тергов гуруҳлари ташкил қилинади. Бу гуруҳлар йирик ва мураккаб ёнғинларга чиқишади.
Бу буйруқларда тезкор-тергов гуруҳи аъзоларининг ёнғинда бажарадиган вазифалари ёритилади.
Тезкор-тергов гуруҳи таркибига қуйидаги шахслар киритилади:
- ёнғинларни суриштиришга мутахассислашган терговчи;
- жиноят-қидирувининг тезкор вакили;
- иқтисодий жиноятларга қарши кураш хизматининг тезкор вакили;
- ДЁН ходими (суриштирувчи);
- ЎзР ИИВ ЁХББ ЁТЛ ходими (Навоий, Фарғона шаҳарларидаги бўлимлари ходимлари);
- милициянинг участка профилактика инспекторлари (жойларда);
- эксперт-криминалист.
Тезкор-тергов гуруҳига қуйидаги вазифаларни амалга ошириш юклатилади:
- ёнғин сабабини аниқлаш;
- ёнғиннинг тарқалишига имкон берган ҳолатларни аниқлаш;
-ёнғиннинг келиб чиқишига бевосита ёки билвосита алоқадор бўлган шахсларни аниқлаш.
Тезкор-тергов гуруҳига юклатилган вазифаларни муваффақиятли ҳал қилишга қуйидагиларни амалга ошириш орқали эришилади:
-ҳодиса бўлган жойга ўз вақтида етиб келиш;
-кечиктириб бўлмайдиган тезкор-тергов ҳаракатларини амалга ошириш;
-замонавий илмий-техник воситаларидан моҳирона фойдаланиш;
-тезкор-қидирув ишларини ўз вақтида амалга ошириш;
-кенг жамоатчиликни бу ишларга фаол жалб этиш ва бошқалар.

9.