Ёнfин хавфсизлиги

71. Ёнғин хавфсизлиги бўлинмаларида текширув натижаларини ҳужжатлаштириш тартиби /1/
Қисм бошлиғи ва унинг ўринбосарлари, катта муҳандис, катта инспектор ва смена бошлиғи смена хизматини текшириш натижаларини смена хизматининг вазифа варақасига ёзадилар. Қолган бошқа шахслар текшириш натижаларини хизмат китобининг махсус бўлимига ёзадилар.
Текширувни тугатгач, текширувчи бўлинма фаолиятига ҳаққоний ва атрофлича баҳо бериши, бошлиқлар таркиби билан текширув натижаларини муҳокама қилиши, аниқланган камчиликларни ва сабабларини тўла кўрсатиши, камчиликларни бартараф қилиш учун аниқ чоралар ва тугатиш вақтини белгилаши керак. Белгиланган чора-тадбирларни бажарилиши доимий назорат қилиниши керак.
Гарнизон смена хизмати ташкил қилинишининг назорати гарнизон бошлиғи ёки унинг топшириғига биноан бошқа шахс, ёнғин ўчириш штаби тезкор навбатчиси ва бўлинма бошлиқлари томонидан уларнинг олдига қўйилган вазифаларнинг бажарилишини ҳар хил босқичларда кундалик натижасини ҳисобга олган ҳолда доимий амалга оширилади. Бўлинмаларни текшириш даври, тартиби ва усули бўлинма фаолиятидаги ҳолат ва шарт шароитдан келиб чиқиб, гарнизон бошлиғи томонидан белгиланади.


72. Ёнғинларни ўрганишнинг асосий вазифалари /7/
1.Ёнғинларни ўрганиш - ёнғин хавфсизлиги назоратининг текширув ишларининг сифатини ва ёнғинни ўчириш ташкилий ишларининг савиясини кўтаришда , бўлинмаларнинг жанговар тайёргарлик савиясини оширишда шахсий таркибнинг тайёрлов сифатини кўтаришда муҳим аҳамиятга эгадир.
2. Ёнғинларни ўрганиш қуйидагиларни ўз ичига олади:
-содир этилган ёнғинларни текшириш;
-ёнғин назорати ишлари ва бўлинмаларнинг жанговар ҳаракатларини таҳлил қилиш
3. Содир этилган ҳар бир ёнғин унинг ҳажмидан, ўчириш пайтида иштирок этганлар ҳисобидан ишлатилган куч ва воситалар ҳамда ёнғин келтирган зарардан қатъи назар текширилади (ўрганилади).
Содир бўлган ёнгинни текширишни энг яхши тайёргарлик кўрган шахсга, яъни ўрта ва катта бошлиқлар таркибига кирувчи аппарат ёки бўлинма ходимига юклатилади. У ходим ёнғинни ўчиришда қатнашмаган ва ёнғин содир бўлган жойни назорат қилмаган бўлиши керак.
Зарур бўлган пайтда ёнғинни ўрганиш (текшириш) учун илмий муассасалардан, ИИВ ўқув ва илмий муассасаларидан ҳамда халқ хўжалиги тармоқларидан муҳандис-техник ходимлар ва мутахассислар жалб этилади.
4. Фожиали ёнгинлар ва бир гуруҳ (5 ва ундан кўп) одамлар ҳалок бўлса, ҳамда муҳим аҳамиятга эга бўлган биноларда, хоналарда содир бўлган ёнғинлар таҳлили илмий ва ижобий қизиқиш уйғотса, унда ИИВ, ЁХББ, ИИБ, ЁХБ, бошлиқлари ўрганади ва ўрганиш тафсилотини тузади (ЁХББнинг №53 буйруғи, 1 илова)
Тафсилот 20 кун ичида тузилади, ёнғинни текширувчилар томонидан тафсилотга қўл қўйилади ва ИИВ, ЁХББ, ИИБ, ЁХБ, бошлиқлари томонидан тасдиқланади. Кўрсатилган вақтда бир нусхаси Ўзбекистон Республикаси ИИВ ЁХББга жўнатилади.
5. Ёнғинни текширув натижаларига асосан ёнғинни ўчириш учун битта навбатчи сменадан кўп жалб қилинган бўлса, белгиланган вақтдан 10 кундан ошмаслиги керак, ИИВ, ИИБ, ЁХБ бошлиқлари фикрига (ихтиёрига) биноан ёнғин тафсилоти ёки жанговар ҳаракат варақаси тузилади (ЁХББнинг №53 буйруғи, 2- илова)
6. Ёнғинни тўла ва холис ўрганиш (текшириш) жавобгарлиги ИИВ, ИИБ ЁХБ ва ёнғин хавфсизлиги қисм бошлиқларига юклатилади.