Ёнfин хавфсизлиги

73. Ёнғинни текшириш тартиби /7/
Ёнғинни текшириш асосан ёнғин хавфсизлиги бўлинмаларининг етиб келган пайтидан ва ЁЎР ва бошқа мансабдор шахсларнинг ашёвий далилларини имкони борича сақлаб ўз вақтида йиғишдан, ёнғинни кўрганлардан ва бошқа ҳодисалар қатнашчиларидан маълумот тўплашдан бошланиши кераклиги ҳисобга олинади.
Ёнғинни текшириш қуйидаги мақсадга эга:
-корхонанинг ёнғинга қарши ҳолатини баҳолаш ва ёнғиннинг сабабини аниқлаш;
-ёнғин содир бўлган корхонада ёнғинни олдини олиш бўйича текширув ишларининг сифати ва бажарилишини таҳлил қилиш;
-ёнғинни бартараф этиш даврида ёнғинни ўчиришнинг ташкил қилинишини, ёнғин хавфсизлиги бўлинмалари ва кўнгилли ёнғин хавфсизлиги посбонларининг ҳаракатини, корхона маъмурияти ва ишчи-хизматчиларнинг ишлашини таҳлил қилиш;
-ёнғиннинг кучайиш ҳажмини ва жараёнини, оловнинг ва тутуннинг тарқалиши сабаблари ва шарт-шароитларини , иморатларнинг ёнғин пайтидаги ҳолатини ҳамда материалларнинг ва ишлаб чиқариш ускуналарининг ёнғин давридаги ҳолатларини ўрганиш;
-одамларни қутқариш ишлари, ҳайвонларни ва мол-мулкларни бехатар жойга олиб чиқишни ташкил қилинишини ҳамда одамларнинг бахтсиз ҳодисага учрашининг сабабларини ўрганиш;
-ёнғин ўчириш техникаси, ёнғин ўчириш ва алоқа воситаларининг ишлаш самарасини баҳолаш;
-ёнғин хавфсизлиги бошқармалари ва бўлинмаларининг ёнғинни олдини олиш бўйича, содир бўлган ёнғинларни ўчириш, доимий жанговар ҳолатини таъминлаш ҳамда тезкор штабининг ёнғин вақтида ишлаши учун чора-тадбирлар кўриш.
Ёнғинни ўрганиш ишлари қуйидаги йўллар билан амалга оширилади:
-ёнғинни ўчириш вақтида барча ҳодисаларни фактларни, кўринишларни содир бўлган вақтида қайд қилиш;
-ёнғин бўлган жойни батафсил текшириб, керакли ўлчовлар ўтказиш, суратга олиш ҳамда режа ва тасвирий чизмасини олиш;
-ёнғинни кўрган ва ёнғин тўғрисида ёнғин хавфсизлиги қисмига хабар берган ҳамда ёнғинни ўчиришда иштирок этган шахслар билан суҳбатлашиш;
-ИИВ тергов идоралари ва прокуратура ходимлари билан суҳбат ўтказиш;
-ишлаб чиқариш технологик жараёнини, қурилиш иншоотларини, қутқариш йўллари ҳолатини, ёнғинга қарши ҳолатини, ўрнатилган ёнғин ўчириш воситаларини, алоқа ва хабарловчи воситаларни, бинога кириб-чиқиш жойларини ўрганиш;
-аналитик ва синов, тажрибасини ўтказиш.
Ёнғин ўчиришга тааллуқли амалий ҳужжатларни ўрганиш:
-ёнғин ўчиришга чиқиш жадвалини, куч ва воситаларини жалб қилиш жадвалини, ёнғин ўчириш тезкор режасини, навбатчи шахсий таркибига йўриқномани ва бошқа хизмат турлари ходимлари билан ўзаро ҳаракат қилиш йўриқномасини, тезкор штабнинг ҳужжатларини, сурат ва видеоматериалларни, навбатчи сменаларнинг ҳамда раҳбарият таркибининг ёнғинни ўчиришга чиққан вақтини, ёнғин содир бўлган жойдан маълумотларни ва бошқаларни.
-Ёнгин хавфсизлиги хизматининг кўрсатмаларини, корхоналарнинг ёнғин хавфсизлиги қоидаларини ёнғин содир бўлган тумандаги ёнғин хавфсизлиги отряд, бўлим, бўлинмалари ва ёнғин хавфсизлиги қисмининг фаолиятини охирги маротаба текширилганлиги тўғрисидаги маълумотларни, хизматни, ёнғин ўчиришни ва назорат ишларининг қандай ташкиллаштирилганлигининг таҳлили.
-Ёнғин хавфсизлиги бўлинмаларнинг қанча вақт ичида ёнғин содир бўлган жойга етиб келганлиги ва жойлашишини, ЁЎРларининг ҳаракат қилганликлари, ёнгинни ўчиришда қатнашган куч ва воситаларнинг тактик имкониятларини баҳолаш.