Экология ҳуқуқи предмети, методи ва тизими

6-масала
Ўзбекистон Республикаси Гидрометерологик тадқиқотлар Маркази бошқармасининг қайта тайинланган раҳбарларидан бири ўз ходимларига Тошкент вилоятидаги барча табиий объектлар ҳолати устидан давлат назоратини амалга оширишни буйурди.
– Ушбу раҳбарнинг буйруғи қонунийми?
– Экология назорати соҳасидаги давлат органларининг ваколатлари ва функциялари қайси норматив-ҳуқуқий ҳужжатлар билан тартибга солинади?


7-масала
Табиатни муҳофаза қилиш давлат қўмитаси ва ИИВ (ЙҲХХ) Тошкент вилояти ҳудудида йўлларда автомобил транспорт воситалари текширувини ўтказдилар. Улар ўзларини давлат назоратчилари сифатида таништириб, махсус қурилмалар ёрдамида автомобилларнинг ифлослантириш даражасини текшириб, ҳуқуқбузарларга нисбатан маъмурий жарима солди.
– Автотранспортлар давлат экология назоратини ким амалга оширишга ҳақли?
8-масала
Табиатни муҳофаза қилиш давлат қўмитаси Наманган вилояти бошқармаси давлат инспектори Намангандан Тошкентга келиш чоғида Тошкент вилояти ҳудудида бир автомобил олдидан ўта туриб, браконьернинг Қизил китобга киритилган Бухоро буғисини овлаганлигининг гувоҳи бўлди.
– Давлат инспектори қандай хатти-ҳаракатларни амалга ошириши лозим?
– Биологик ресурслардан фойдаланиш ва муҳофаза қилиш соҳасида назоратни амалга ошириш борасида давлат инспекторининг ваколатлари қайси норматив-ҳуқуқий ҳужжатларда мустаҳкамланган?

Экологик экспертизанинг ҳуқуқий ҳолати


Фаннинг ушбу мавзусида талабага экологик экспертиза тушунчаси, аҳамияти ва зарурияти, экологик экспертизанинг ҳуқуқий асослари, экологик экспертиза тизими, давлат экологик экспертизаси, экологик аудит тушунчаси ва мақсади ҳамда унинг ҳуқуқий асослари, атроф табиий муҳитни муҳофаза қилишда жамоат ва илмий экологик экспертизанинг роли каби маълумот етказилади.
Мавзуни тўлиқ ўзлаштириши учун ва ўзлаштираётган назарий билимни амалиёт билан боғлаш мақсадида қўйидаги масалаларни ечимини топиш мақсадга мувофиқдир.