САВЛЛАР ВА ТОПШИРҚЛАР. 1.Табиатни муҳофаза қилиш деганда нимани тушунасиз?
2..Табиатдан фойдалани тушунчасин таърифлаб беринг .
3.Табиий ресурслар таснифлаб беринг.
4.Табиий ресурсларни иқтисодий баҳолада нималарга эътибор берилади?
VI.1.ЭКОЛОГИЯ ВА ТАБИАТНИ МУҲОФАЗА ҚИЛИШНИНГ МЕЪЁРИЙ ВА ХУҚУҚИЙ ЖИҲАТЛАРИ Табиатни муҳофаза қилишни хуқуқий асослари. «Табиатни муҳофаза қилиш» тўғрисида қонун. Экологик ўлчамлаштириш асослари. Табиий ресурсларнинг таснифи ва улардан фойдаланиш тамойиллари. Атроф муҳит ифлосланишининг мониторинги. Қонунчилик - Ўзбекистонда 1988 йил табиатни муҳофаза қилиш қўмитаси ташкил этилгунга қадар, жуда катта, аммо тарқоқ, атроф муҳитни муҳофаза қилишни назорат ва давлат бошқарма аппарати мавжуд эди. Бу органлар етарли самара билан ишлай олмади. Ўзбекистон Республикасининг «Табиатни муҳофаза қилиш тўғрисида» қонунига асосан атроф муҳит муҳофазасини давлат бошқаруви Ўзбекистон Республикаси Вазирлар маҳкамаси, Ўзбекистон Республикаси табиатни муҳофаза қилиш қумитаси ва унинг маҳаллий органлари томонидан амалга оширилади. Табиатни муҳофаза қилишнинг ҳуқуқий асослари Ўзбекистон Республикасининг Конституциясида ўз аксини топган. Конституциянинг 50,54,55 ва 100-моддаларида фуқароларнинг ушбу соҳадаги ҳуқуқ ва мажбуриятлари, атроф-муҳитга муносабат ва бошқарув тизими бўғинларининг фаолияти белгиланган. Жумладан, 50-моддада «Фуқаролар атроф-табиий муҳитга эҳгиёткорона муносабатда бўлишга мажбурдир»лар дейилади. 100-моддада атроф-муҳитни муҳофаза қилиш маҳаллий ҳокимлик органлари вазифасига кириши таъкидланган. Табиатни муҳофаза қилишнинг ҳуқуқий асосларини қуйидагиларда кўришимиз мумкин
I. Табиатни муҳофаза қилиш қонунчилиги бўйича Ўзбекистон Республикаси қонунлари рўйхати 1. Ўзбекистон Республикаси Конституцияси (1992 йил 8 декабрь № 723 - XII).
2. Ўзбекистан Республикасининг «Табиатни муҳофаза қилиш тўғрисида»ги Қонуни (1992 йил 9 декабрь № 754- XII).
3. Ўзбекистон Республикасининг «Сув ва сувдан фойдаланиш тўғрисида»ги Қонуни (1993 йил 6 май № 837-XII).
4. Ўзбекистон Республикасининг «Атмосфе-ра ҳавосини муҳофаза қилиш тўғрисида»ги Қонуни (1996 йил 27 декабрь № 353-1).
5. Ўзбекистон Республикасининг «Ўсимлик дунёсини муҳофаза қилиш ва ундан фойдаланиш тўғрисида»ги Қонуни (1997 йил 26 декабрь № 543-1).
6. Ўзбекистон Республикасининг «Ҳайвонот дунёсини муҳофаза қилиш ва ундан фойдаланиш тўғрисида»ги Қонуни (1997 йил 26 декабрь № 545-1).
7. Ўзбекистон Республикасининг Ер кодекси (1998 йил 30 апрель № 599-1).
8. Ўзбекистон Республикасининг «Ўрмон тўғрисида»ги Қонуни (1999 йил 15 апрель № 770-1).
9. Ўзбекистон Республикасининг «Аҳолини ва ҳудудларни табиий ҳамда техноген тусдаги фавқулодда вазиятлардан муҳофаза қилиш тўғрисида»ги Қонуни (1999 йил 20 август № 824-1).
10. Ўзбекистон Республикасининг «Экологик экспертиза тўғрисида»ги Қонуни (2000 йил 25 май №73-11).
11. Ўзбекистон Республикасининг «Қишлоқ хўжалик ўсимликларини зараркунандалар, касалликлар ва бегона ўтлардан ҳимоя қилиш тўғрисида»ги Қонуни (2000 йил 31 август № 116 - II).
12. Ўзбекистон Республикасининг «Радиациявий хавфсизлик тўғрисида»ги Қонуни (2000 йил 31 август № 120 - II).
13. Ўзбекистон Республикасининг «Чиқиндилар тўғрисида»ги Қонуни (2002 йил 5 апрель № 362 - II).
14. Ўзбекистон Республикасининг «Ер ости бойликлари тўғрисида»ги Қонуни (янги тахрирда 2002 йил 13 декабрь № 444 - II).
15. Ўзбекистон Республикасининг «Муҳофаза этиладиган табиий ҳудудлар тўғрисида»ги Қонуни (2004 йил 3 декабрь № 710 - II).
16. Ўзбекистон Республикасининг «Озон қатламини бузувчи моддаларга доир Монреаль протоколига киритилган тузатишни ратификация қилиш тўғрисида»ги Қонуни (2006 йил 7 сентябрь № ЎРҚ-44).
17. Ўзбекистон Республикасининг «Озон қатламини бузувчи моддаларга доир Монреаль протоколига киритилган тузатишни ратификация қилиш тўғрисида»ги Қонуни (2006 йил 7 сентябрь № ЎРҚ-45).