Эгамбердиева Т

Бирлашган миллатлар ташкилоти бош ассамблеясининг қўмиталари - БМТ Бош Ассамблеясининг Бош қўмиталари; Сиёсий масалалар ва хавфсизлик масалалари қўмитаси (қуролланишни тартибга солиш ҳам шунга киради); Махсус сиёсий қўмита (бу ҳам сиёсий масалалар биланшуғулланади), Иқтисодий ва молия масалалари қўмита­си, Ижтимоий ва гуманитар ҳамда маданият масалалари қўмитаси, Васийлик ва ўз-ўзини бошқармайдиган ҳудудлар масалалари қўмитаси, Маъмурий ва бюджет масалалари қўмитаси. Уставга биноан Бош Ассамблея доимий ёки мувакқат ёрдамчи ва махсус органлар тузишга ҳаклидир. Улардан асосийлари: Инвестициялар қўмитаси; Ходимларнинг пенсия жамғармаси қўмитаси; Тафтиш комиссияси; Халқаро ҳуқуқ комиссияси; Коллектив тадбирлар қўмитаси; Атом электрстанциясининг таъсири бўйича БМТ илмий қўмитаси; Атом энергиясидан тинч мақсадларда фойдаланиш бўйича маслаҳат (консультатив) қўмита; Космик фазодан тинч мақсадларда фойдаланиш қўмитаси; Мустамлака мамлакатлари ва халқларига мустақиллик бериш тўғрисидаги Декларациянинг амалга оширилиши юзасидан махсус қўмита ("24 лар қўмитаси"), Савдо-сотиқ ва тараккиёт бўйича БМТ Конференцияси ва бошқалар.
БМТнинг иқтисодий ва ижтимоий кенгаши - Бирлашган Миллатлар Ташкилотининг асосий органларидан бири. Иқтисодий, ижтимоий, маданият, маориф, соғликни сақлаш соҳаларида Халқаро масалалар юзасидан тадқиқотлар ўтказади, маърузалар тузади, халқаро конференциялар чақиради, ўз ҳуқуқлари доирасидаги масалалар юзасидан конвенциялар лойиҳаларини тайёрлайди. БМТнинг ихтисослаштирилган муассасалари фаолияти­ни мувофиклаштириш, барча иқтисодий ва ижтимоий масалалар юзасидан Бош Ассамблея тавсияларини амалга ошириш биланшуғулланади. Кенгашнинг ҳар бир аъзоси бир овозга эга. Кенгаш ҳар йили икки марта навбатдаги сессияга тўпланади. Кенгашнинг доимий қўмиталари (Саноат тараққиёти қўмитаси, ҳукуматдан ташқари ташкилотлар қўмитаси, турар-жой масаласи, қурилиш ва режалаштириш қўмитаси ва бошқалар), функционал комиссиялари (Статистика комиссияси, Аҳоли комиссияси ва ҳоказо) бор. Кенгашнинг махсус органлари: Кенгайтирилган техника ёрдам дастури, БМТнинг Болалар жамғармаси (ЮНИСЕФ), БМТ Махсус жамғармаси ва бошқалар. Бундан ташқари Европа учун Иқтисодий комиссия, Осиё ва узоқ Шарқ учун Иқтисодий комиссия, Лотин Америкаси учун Иқтисодий комиссия, Африка учун Иқтисодий комиссия Кенгаш ишига ёрдам бериб туради.