Э. ҚОсимов, М. Aкбaров пaрдозбоп қурилиш aшёлaри

Полимер оҳак шпаклевкаси — оҳак бўтқаси, чангсимон майда кварс қуми (маршалит) ва поливинилацетат (ПВA) эмулсиясига намланмайдиган ГКЖ ни сув билан обдан қориштириб тайёрланади. Эмулсия деб, боғловчи модда билан (лак-бўёқ ёғи) обдан туйилган чангсимон қумнинг аралашмасига айтилади. Бундай шпаклевка деворни полимероҳак бўёқ билан пардоз­лашдан олдин бетон ёки сувоқ юзасини текислашда ишлатилади. Шпаклёвка қуйидаги таркибда тайёрланади (оғирлик ҳисобида кг/т (%)):
— поливинилацетатнинг 50% ли майин қуйқаси — 150 (14,7%);
— оҳакнинг 50% бўтқаси — 200 (19%);
— кварс қуми (маршалит) — 637 (60%);
— намланмайдиган ГКЖ нинг 20% ли суюқликдаги эритмаси 3 (0,3%);
— сув — 60 (6%).
Тайёр шпаклевканинг майинлиги (пластиклиги) СтройСНИЛ конуси чўкиши — 10-11 см, қуриш муддати (18-20°C да) — 4-6 соатга тенг.
Полимер оҳакли ПВA бўёғи — оҳакни 50% ли майин полимерацетат эмулсияси билан намланмайдиган ГКЖ ни обдан аралаштириб олинган суспензиядир. Суспензия деганда чангсимон эмас, аммо майда қилиб туйилган оҳакни боғловчилар билан аралашган суюқлигини тушунмоқ керак.
Полимер оҳакли ПВA бўёғи цементли, оҳакли, гипсли сувоқ юзаларини, ҳамда бетон ва ғиштли деворларни пардозлашда ишла­тилади. Бўёқни тайёрлашда қуйидаги ашёлар ишлатилади (оғирлик ҳисобида, кг/т да): майин поливинилацетатни 50% ли эмулсияси — 145 (14%); оҳакнинг 50% бўтқаси — 595 (56%); пигментлар — 73 (7%); намланмайдиган ГКЖ суюқлиги эритмаси — 30 (3%); сув — 207 (20%).
Полимер оҳак бўёғининг қуюқ-суюқлиги (ВЗ-4 да) 20—25 сек, қуриши эса 2—4 соатдан ошмайди.
Бўтқасимон ПВA бўёғи — таркибида чангсимон кварс, пигментлар ва 50% ли поливинилацетат эмулсиясини аралаштириб олган суспензиядир. Юқоридагилар сингари бундай бўёқ барча хилдаги деворларни пардозлашда ишлатилади. Таркиби: майин поливи­нилацетатни 50% ли эмулсияси — 27%; чангсимон кварс (марша­лит) 37%; икки оксидли титан — 12%; қуруқ липотан —2,5%; бўр —9%; натрий пентахлорфеноляти — 0,2%; сув — 14,8%.
Тайёрланган бўёқнинг қуюқ-суюқлиги (ВЗ-4 да) 60—70 сек (сувга нисбатан 6,5—7,0 марта қуюқ); қуриш муддати эса 2—4 соатдан ошмайди.