Э. ҚОсимов, М. Aкбaров пaрдозбоп қурилиш aшёлaри

Полиметилметакрилат смолалар табиий газ ва нефт углеводо­родларидан олинадиган ацетон, винил кислоталари ва метил спиртини қайта ишлаб олинади. Техникада бундай смолалар органик шиша деб аталади. Органик шиша қуёш нурини ўзидан яхши ўтка­задиган ва зарарли муҳитга (сув, кислота ва ишқор) чидамли. У зинапоя, айвон ва пардадеворлар қуришда, шиша пластиклар, қувурлар ва ҳ.к. буюмлар ишлаб чиқаришда ишлатилади.
Органик шиша ялтироқ, рангсиз, ўзидан ултрабинафша нурларини ўтказади, атмосфера муҳитига чидамлилиги билан бошқалардан фарқ қилади. Органик шиша ултрабинафша нурларнинг 73,5% ини ўтказади. Бу кўрсаткич оддий силикат шишада 0,6%, кўзгу ойна шишада 3 %, кварс шишасида эса 100 % га тенг. Шунинг учун, органик шиша касалхона, иссиқхона, саноат корхоналарида безакли тўсиқлар қурилишида кўплаб ишлатилади. Ҳарорат 90°C га етганда органик шиша эластик холатга ўтади ва уни исталган шаклда қолиплаш мумкин. Полиметилметакрилатни кесиш, силлиқлаш осон. Техник органик шишанинг сиқилишдаги мустаҳкамлиги 120—140 МПа. Ҳарорат 60°С дан 183°С гача кўтарилганда ҳам зарб билан ургандаги қайишқоқлиги ўзгармайди. Aммо, унинг ишқаланишга бўлган мустаҳкамлигининг кичиклиги ва қиздирганга (80°С) чи­дамсизлиги кенг миқёсда ишлатишга имкон бермайди, кислота эритмаларига, ишқорга ва органик эритмалар таъсирига чидамли. Оловда осон ёнади.
Полиизобутилен — нефтни қайта ишлаб олинган изобутиленни полимерлаб олинган, эгилувчан, каучуксимон полимер ашёдир. Каучукдан фарқи — полиизобутилен полимери вулканизациялан­майди. Полиетиленга ўхшаш енгил, жуда букилувчан. Совуққа, кислота ва ишқор таъсирига чидамли. Ҳарорат 75°C гача совуганда ҳам шиша ҳолатига ўтмайди. Полиизобутиленга кукун тўлдиргичлар қўшиб (кул, қоракуя, талк) деворбоп панелларни ва тик чокларни тўлдиришда герметик ашё сифатида ишлатилади. Ундан ёпишқоқ тасмалар, линолеумбоп елимлар, сувга чидамли герметикловчи маҳсулотлар ишланади. Битум билан осон аралашиб, унинг пластик­лигини оширади.


Поликонденсацияланадиган фазовий