Е. Б. Бабский, А. А. Зубков, Г. И. Косицкий, Б. И. Ходоров

203-расм. Товушларни идрок этиш майдони.
Абсциссада –секунддаги тебранишлар сони, ординатада – тоушнинг кучи 1 см² га дина хисобида ифодаланган.(кулок пардасига тушадиган босим)


Товушнинг жарангдорлигини (қаттиқлигини) сезиш. Товушнинг эрг/см2-сек билан ифодаланадиган объектив интенсивлигидан товушнинг жарангдорлигини сезиш каби субъектив сезгини ажратиш керак. Товушнинг жарангдорлигини субъектив равишда сезиш товуш интенсивлигининг ортишига параллель бормайди.
Товуш жарангдорлигииинг ҳозир кенг тарқалган бирлиги — бел — таъсир этувчи товуш интенсивлиги нинг бўсаға интенсивлиги I0 га нисбатининг ўнлик логарифмидан иборат. Практикада аксари децибел, яъни 0,1 бел, бошқача айтганда 10lg10 I/I0 жарангдорлик бирлиги сифатида қўлланилади.
1 децибел жарангдорликка эга бўлмоқ учун, яъни 10lg10 I/I0=1 бўлиши учун10lg10 I/I0 0,1 га тенг -бўлиши керак. Бундан англашиладики, 1 децибел жарангдорликда I/I0 нисбати 1,26 га тенг бўлиши лозим. чунки lg10 1,26=0,1. Демак, 1 децибел жарангдорликка эга бўлмоқ учун 1 товуш бўсаға интенсивлигидан 26% ортиқ интенсивликка эга бўлиши керак.
I товуш кучи I₀ дан 10 баравар ортиқ бўлса (lg1010=1), 10 децибелга тенг жарангдорликни I ва I₀ товушларнинг куч нисбати 1000 000 га тенг бўлса (lg1010⁶ = 6), 60 децибелга тенг жарангдорликни худди шу йўл билан топиш мумкин.
Товушнинг бўсаға интенсивлиги ва товуш кучайганда товуш жарангдорлигини сезишнинг ошиб бориши товуш баландлигига қараб ҳар хил бўлади.
Товушларнинг жарангдорлик даражасини децибеллар билан аниқлашда ҳар хил баландликдаги товушларни таққослаш учун текшириладиган товушлар секундига 1000 тебранишли бир хилдаги субъектив жарангдорлик товушига солиштириб кўрилади.
Товуш жарангдорлигининг максимал даражасида товуш оғриқ сезгисига айланади, бу максимал даража 130—140 децибелга баравар (товуш кучи бўсаға кучидан 10¹³—10¹⁴ баравар ортиқ).