Е. Б. Бабский, А. А. Зубков, Г. И. Косицкий, Б. И. Ходоров

Витамин В1(тиамин)
Овқатда витамин В бўлмаса, одамларда бери-бери, ёки полиневрит деб юритиладиган авитаминоз пайдо бўлади. Бу авитаминознинг характерли белгиси шуки, нерв системаси зарарланади, ҳаракатлар, жумладан юриш бузилади ва фалажлар вужудга келади.
Бери-бери касаллиги билан оғриган одам оёғини судраб босади, оёғига кишан солинган одамга ўхшаб юради. Касалликнинг бошларида енгил чарчаш, иштаҳанинг йўколиши, юрак уриши, оёқ оғриғи каби симптомлар пайдо бўлади. Секин-аста баъзан эса тезда сезувчанлик ва юриш қаттиқ бузилади ёки қўл-оёги фалаж бўлади, чўпдай озиб кетади ва нафас мускуллари фалажланиб, бемор ўлиб қолади. Бошқа кишилар касалланганда қон айланиши рўйи рост бузилади, баданга шиш келади, мускуллар атрофияланади. Одам витамин В бўлмаган овқатни 30—90 кун истеъмол қилгандан кейин касалланиши кузатишлардан маълум.
Қушлар, оқ каламушлар, итларни тозаланган гуруч билан боқиб еки тозаланмаган гуручни автоклавда 120 С° да 2- 3 соат сақлагандан кейин бериб, бу ҳайвонларда авитаминоз В, ни вужудга келтириш мумкин. Авитаминоз В ҳайвонларда, одамлардаги каби талваса тутиши, ҳаракатлар бузилиши ва фалажлар пайдо булиши билан давом этади.
В1 авитаминозида модда алмашинувининг бузилиш сабаби шуки организмда карбоксилаза ва дегидраза фсрментларининг актив групаси витамин В1 (тиамин) дан ҳосил бўлади. Карбоксилаза пироузум кислотанинг сирка альдегид ҳосил қилиб парчаланишини катализлайди, дегидраза — пироузум кислотанинг сирка кислотасигача парчаланишида иштирок этади. Тиаминнинг етишмаслиги ёки йўқлиги шу ферментларнинг ҳосил бўлишига тўсқинлик қилади, натижада ҳамма органларда, жумладан нерв системасида модда алмашинув процесслари бузилади. В1 авитаминозида аминокислоталар алмашинуви, углеводлар ресинтези нерв системада ацетилхолин ҳосил бўлиши бузилади.
Пиво ачитқиси, гуруч кепаги, буғдой (унгани), сули уни, ёнғоқ, мол жигари, тухум сариғи, ловияда витамин В1 кўп.
Тиаминли масаллиқлар 120° гача қиздирилса бу витамин парчаланиб кетади. Витамин В (бошқача айтганда тиамин) синтез қилиб олинган ва саноатда ишлаб чиқарилади. Синтетик витамин В препаратин ишлаб чиқариш туфайли озиқ-овқатни сунъий йўл билан витаминлаш, яъни уларга (масалан, нонга) шу витамин препаратларини қўшиш жорий қилинди.
Организмда тиамин айтарлик тўплапмагани сабабли, у овқат билан иложи борича бир меъёрда истеъмол килиб турилиши зарур. Катта ёшли одам 5—6 кунгача шу витаминнинг суткалик миқдоридан ярмини олиб турса, гиповитаминоз белгилари пайдо бўла бошлайди: ланжлик, чарчаш, юрак ўйнаши, юрак санчиши, оёқларнинг йиғилиб қолиши, баданга текканда унинг безиллаши қайд қилинади. Одам бир неча миллиграмм витамип В1 истеъмол қилгандан бир неча соат кейин гиповитаминознинг ҳамма белгилари йўқолади.