Дядя Горгудун мязар йери щаггында

Tarixi-müqayisəli istiqamət. Abidənin bu istiqamətdə öyrənilməsində Ə.Dəmirçizadənin, Ə.Sul­­tan­lının, M.Təhmasibin, B.Nəbiyevin, Y.Qrayevin, V.Vəliyevin, P.Əfəndiyevin, A.Nəbiyevin, T.Ha­cıyevin, E.Əlibəyzadənin, İ.Abbas­lının, M.Cəfərlinin, S.Paşayevin, R.Rüstəmzadənin, C.Na­ğı­yevin, B.Abdullanın, K.Vəliyevin, K.Abdullanın, İ.Həbibbəylinin, Ü. Nəbiyevanın, Y.İsmayılovanın, M.Məm­mədovun və b. xidmətləri qeyd olunmalıdır.

Mifoloji istiqamət. KDQ-nin mifologiyası ilə bağlı araş­dırmaların ilk nümunələri Azərbaycanda Mirəli Seyidov, Məmməd Hüseyn Təhmasib, Ağa­yar Şükürov, Bəhlul Abdulla, Kamal Abdulla və baş­qaları tərəfindən təqdim edilir. Müstəqillik dövründə KDQ-yə diqqətin artması ilə mifoloji yönümlü araşdırmaların da həcmi geniş­lənir. Kamal Abdullanın “Gizli Dədə Qorqud”u ilə bu yönümdə apa­rılan araşdırmaları daha da sürətləndirir. Yeni açılan isti­qa­mətlər, mətn altı və mətn əhatəsi ilə öy­rənmə yeni araşdırmalar üçün əlverişli zəmin yaradır. Cəlal Bəydilinin, Ramazan Qafarlının, Rüstəm Kamalın, Füzuli Bayatın, Muxtar Kazımoğlunun, Seyfəddin Rzasoyun və b. araşdır­maları ilə Də­də Qorqud boylarının mifoloji kontekstdə öyrə­nilməsi sahəsində ciddi addım­lar atılır. M.Kazımoğlunun “Folklorda obrazın ikiləşməsi”, S.Rzasoyun “Oğuz mifologiyası” əsər­ləri buna nümunə göstərilə bilər.

Poetika istiqaməti. KDQ-nin poetikası K.V.Nərimanoğlu, N.Cəfərov, A.Hacıyev, R.Qeybul­la­yeva, M.Kazımoğlu, K.Əliyev, O.Əliyev və b. tərə­findən araşdırılmışdır. Qorqudşünaslıq son illərdə T.Orucov, A.Əhmədli, Q.Sayılov, N.Qurbanov, A.İslamzadə və b. tərəfindən yeni tədqiqatlarla zən­gin­ləşmişdir.

KDQ aşıq yaradıcılığı ilə əlaqəli şəkildə də araşdırılmışdır. Buraya Q.Na­mazovun, M.Həki­movun, H.İsmayılovun, M.Qasımlının, M.Allahmanlının və b. araşdırmaları daxildir.

Ritualşünaslıq istiqaməti. KDQ araşdırmalarında nisbətən yeni sahə təşkil etməkdədir. Doğ­rudur, M.H.Təhmasibin, B.Abdullanın mərasim folkloru ilə bağlı tədqiqatlarında məsələyə müəyyən qədər toxunulur. Lakin bütövlükdə KDQ-də arxaik ritualın yeri və rolu olduqca az öyrə­nilmişdir. Son illərdə M.Ka­zım­­oğlunun, C.Bəydilinin, F.Bayatın, S.Rzasoyun, R.Qafarlının, R.Əli­ye­vin, A.Xə­lilin, E.Abbasovun araşdırmalarında KDQ-nin ritual kontekstində öyrə­nilməsinə təşəbbüs göstərilmişdir.