Dunyo mamlakatlarida turizmni rivojlantirishning nazariy uslubiy asoslari

1.2.2-rasm. 2019-yil xalqaro turizm ko’rsatkichlari¹⁰
2019-yilda xalqaro kiruvchi turistlar soni 1.459 milliardga yetdi. Daromad esa 944.753 milliard dollarga yetdi va o’tgan yilga nisbatan 1.6% o’sgan hisoblanadi. Turizmdan tushadigan tushumlar YaIM ni 10%ni tashkil etdi.
2019-yilda Xalqaro turizm dunyo xizmat va tovarlar eksportining 7% ini tashkil qiladi. Bu ko’rsatkich o’tgan yilga qaraganda 1% ga o’sgan.Oxirgi 5 yil mobaynida turizm jahon savdosiga qaraganda tezroq o’sgan tarmoq hisoblanadi.

• 
  Xalqaro turizmdan ko’rilgan foyda 944.753 mlrd dollarni tashkil qiladi, bu ko’rsatkich o’tgan yilga qaraganda 1.6% ga o’sgan;
  
• 
  Eng ko’p turistlar tashrifi kuzatilgan mamlakatlar: Fransiya, Ispaniya, AQSH va Xitoy. Turizm bo’yicha eng ko’p foyda ko’rgan mamlakatlar: AQSH, Ispaniya, Fransiya, Xitoy;
  
• 
  Chiqish turizmi bo’yicha yetakchi o’rinlarni Xitoy, AQSH va Germaniya egallaydi;
  
• 
  jahon yalpi milliy mahsulotining 10%ini tashkil etadi;
  
• 
  har 10 ish o’rnidan bittasi turizm sohasiga to’g’ri keladi;
  
• 
  jahon eksportidagi ulushi 1.4 trillion AQSH dollarini tashkil qiladi;
  

1.2.3-rasm. Xalqaro turizmda transportdan foydalanish
ko’rsatkichlari(2019)¹¹
1.2.3-diagrammadagi ma’lumotlarga asosan, keluvchilarning 59% i havo transportidan foydalangan, quruqlikdagi transportlarning hajmi 35% ni tashkil qiladi, suv transportidan foydalanuvchilar 5% ni va temiryo’lning ulushi 1% ni tashkil qiladi. Tashrifchilarni maqsadlariga ko’ra tasniflash ham mumkin. Quyidagi diagrammada ularning tashrif buyurish maqsadlari bo’yicha ko’rsatkichlari tahlil qilingan (1.2.4-diagramma)

1.2.4-rasm.Tashrif buyurish maqsadlari bo’yicha ko’rsatkichlari(2019)¹²
1.2.4-rasmdagi ma’lumotlardan kelib chiqib aytish mumkinki, turistik maqsadlar ichida ko’ngilochar, dam olish, ta’til maqsadlarida tashrif buyuruvchilar eng ko’p ulushni tashkil qiladi, ya’ni 55% ni tashkil qiladi, 28% turist davolanish, ziyorat, qarindoshlarini ko’rish va boshqa maqsadlarda sayohat qilishgan, biznes va ish bilan bog’liq sayohatlar 11% ni tashkil qiladi. Qolgan 6% ini biron maqsadsiz tashrif buyuruvchilar tashkil qiladi.