Дўстов Ҳ. Б. Коррозиядан ҳимоя қилиш

9.3. Иссиқликка чидамли ҳимоя қопламалари. 
Термодиффузион қоплаш усули 
Металлар сиртига иссиқбардош ва оловбардош қопламаларни ётқизиш 
буюмлар ва жиҳозларни газ коррозиясидан ҳимоялаш усулларидан бири бўлиб 
ҳисобланади. Бундай қопламаларга бир қатор талаблар қўйилади. Улар яхлит 
ва агрессив муҳитни ўтказмайдиган, металлга қаттиқ ва мустаҳкам 
ёпишадиган, асосий металлнинг технологик хоссаларини ёмонлаштирмайди-
ган ва ҳ.к. Металл сиртига ҳимоя қопламаларини ётқизишнинг қуйидаги 
усуллари мавжуд: 
1) диффузион;
2) металлни пуркаш;
3) иссиқлик усули – буюмни эритилган металлга ботириш;
4) механотермик ёки суркаш (плакирлаш).
9.3.1. Қоплашнинг термодиффузион усули 
Термодиффузион усул
1938 йилда Н.А. Изгарышев ва Э.С. Саркисовлар 
томонидан ишлаб чиқилган ва амалда қўлланилган. Бу усул юқори 
температураларда асосий металл сиртини диффузия йўли билан легирловчи 
компонент атомлари билан тўйинтиришга асосланган. Бунда легирловчи 
металл сарфининг кескин камайишига эришилади. Термодиффузион қоплама 
ҳосил бўлиши учун қуйидаги икки асосий шарт бажарилиши керак: 
•
асосий металл билан қопланадиган металлнинг қаттиқ эритмаси ҳосил 
бўлиши лозим; 
•
қопланадиган металл атомларининг кристалл панжара ичкарисига 
эркин кириб бориши учун уларнинг атом радиуси асосий металл 
атомлари радиусидан катта бўлмаслиги керак. 
Масалан, темир учун термодиффузион қоплама Сu, Аu, Zn, Ti, Al, Si, Cr, 
Mo ва б. металлардан ҳосил қилиниши мумкин. Булардан ишлаб чиқаришда 
энг кўп қўлланиладиган қопламаларга қуйидагиларни келтириш мумкин: 

алюминий билан — термоалюминийлаш
; 

хром билан — термохромлаш
; 

кремний билан — термокремнийлаш
. 
Термоалюминийлаш
900-1000°С гача қиздиришга чидайдиган металл 
сиғимда амалга оширилади. Бу идишга сирти ортиқча ўтирмалардан тозалан-
ган пўлат деталлари туширилиб, реакцион аралашма билан яхшилаб, пухталик 
билан кўмилади. Аралашма 49 % алюминий кукуни ёки темир-алюминий 
қотишмасининг кукуни, 49 % алюминий оксиди Al
2
O
3
ва 2 % аммоний 

---

233 
хлориди NH
4
Cl дан иборат бўлади. Деталларни аралашма билан 
зичлаштирилган ҳолда кўмилади, бўшлиқлар қолмаслиги лозим, идиш 
тубидаги аралашманинг қалинлиги 10 см дан кам бўлмаслиги лозим. Сиғим 
ортиқча газларнинг чиқиб кетишига имкон берувчи клапан билан жиҳозланган 
(9.3-расм).