Договор страхования транспортного средства выставляемого в залог

7.3. Суғурталовчининг ҳуқуқлари:
а) суғурта ҳодисаси юз бериши эҳтимолини камайтиришга қаратилган олдини олувчи тадбирларни ўтказиш, мазкур Шартнома бўйича консультациялар бериш;
б) суғурта ҳодисаси юз бериши хатари даражасини характерловчи қўшимча ҳужжатларни талаб қилиш. Мазкур Шартноманинг амал қилиш даврида хатар даражаси ўзгарган тақдирда, суғурта мукофотининг миқдори ҳолатларга қараб ошиш ёки камайиш томонга қайта кўриб чиқилиши мумкин;
в) Суғурта қилдирувчи ва/ёки Наф олувчи томонидан тақдим этилган ҳужжатлар ва ахборотни ҳақиқийлик/ҳаққонийлик/холислик борасида текшириш ҳамда Суғурта қилдирувчи томонидан мазкур Шартнома шартлари бажарилишини текшириш;
г) Суғурта қилдирувчи/Ҳайдовчи ва/ёки Наф олувчи томонидан мазкур Шартнома бўйича ўз зиммасига олинган мажбуриятлар бажарилмаганида ёки тегишли тарзда бажарилмаганида, суғурта қопламасини тўлашни рад этиш;
д) мазкур Шартноманинг 8.8-бандида кўрсатилган ҳужжатларнинг тўлиқ рўйхатини талаб қилмасдан воқеани суғурта ҳодисаси сифатида тан олиш ёки тан олмаслик (ёки суғурта қопламасини тўлашни рад этиш) ҳақида қарор қабул қилиш;
е) суғурта мукофоти (ёки унинг бир қисми) мазкур Шартномада келишилган муддатда тўланмаган тақдирда суғурта шартномасини бир томонлама тартибда бекор қилиш; демак, суғурта шартномаси тўлов муддати якунланган пайтдан (ушбу навбатдаги тўлов қайси санагача тўланиши керак бўлса, ўша санадан) бошлаб тўхтайди ва ўзининг юридик кучини йўқотади (автомат тарзда бекор бўлади) ва бу Суғурталовчи учун суғурта қопламасини тўлаш бўйича ҳеч қандай мажбуриятларни келтириб чиқармайди.
ж) суғурта хатари юз бергани ҳақида хабардор бўлган кундан бошлаб 60 тақвим куни ичида зарур ҳужжатлар тақдим этилмаганида суғурта қопламасини талаб қилиш ҳақидаги аризани кўриб чиқишни тўхтатиш; барча суғурта шартномаларига қўшиш.
з) қўшимча экспертиза, қайта баҳолаш ишларини ўтказишни талаб қилиш.
7.4. Суғурталовчининг мажбуриятлари:
а) Суғурта полисини мазкур Шартномада белгиланган муддатларда бериш;
б) барча зарур ҳужжатлар олиниб, суғурта ҳодисаси юз берганлиги факти тан олинганидан сўнг, суғурта қопламасини мазкур Шартномада келишилган миқдорда ва муддатларда тўлаш;
в) мазкур Шартнома бўйича ва мазкур Шартнома амал қиладиган даврда Суғурта қилдирувчи ва/ёки Наф олувчидан олинган ахборотнинг махфийлигига амал қилиш, Ўзбекистон Республикасининг амалдаги қонунчилигига мувофиқ Суғурталовчи давлат органларига ахборот тақдим этиши шарт бўлган ёки мазкур Шартнома бўйича Суғурта қилдирувчининг ахборотни ошкор этишга ёзма рухсатномаси бўлган ҳолатлар бундан мустасно.