Договор страхования транспортного средства выставляемого в залог

2.1. Шартнома – мазкур Шартнома.
2.2. Лизинг олувчи – лизинг шартномасига мувофиқ муайян тўлов эвазига, муайян муддатга ва муайян шартларда лизинг шартномасига кўра лизинг предметини вақтинчалик эгаликка ва фойдаланишга олиш мажбуриятига эга бўлган жисмоний ёки юридик шахс. Мазкур Шартнома бўйича Суғурта қилдирувчи Лизинг олувчи ҳисобланади.
2.3. Лизингга берувчи – лизинг битимини амалга ошириш жараёнида жалб этилган ёки ўз пул маблағлари ҳисобидан мулк харид қилувчи ва уни лизинг предмети сифатида муайян тўлов эвазига муайян муддатга ва муайян шартларда, лизинг предметига бўлган мулк ҳуқуқининг Лизинг олувчига ўтиши ёки ўтмаслиги билан, вақтинчалик эгаликка ва фойдаланишга тақдим этувчи юридик шахс. Мазкур Шартномада кўрсатилган Наф олувчи Лизинг олувчи ҳисобланади.
2.4. Суғурта полиси – Суғурталовчининг суғурта қопламасини тўлаш бўйича мажбуриятлари кучга кирганлиги фактини тасдиқловчи, Суғурта қилдирувчи томонидан суғурта мукофоти тўланганидан кейин Суғурта қилдирувчига бериладиган ҳужжат.
2.5. Суғурта суммаси – мазкур Шартнома бўйича Суғурталовчи мажбуриятларининг чегаравий ҳажмидан иборат бўлган пул маблағлари суммаси.
2.6. Суғурта мукофоти – Суғурта қилдирувчи/Наф олувчи/ мазкур Шартномада келишилган тартибда ва муддатларда Суғурталовчига тўлаши шарт бўлган суғурта учун тўлов.
2.7. Суғурта ҳодисаси – суғурта даври давомида мазкур Шартноманинг 3-Бўлимида санаб ўтилган хатарлар туфайли бевосита юз берган суғурта қилинган ТВга етказилган тўғридан-тўғри жисмоний шикастланиш, унинг йўқотилиши ёки нобуд бўлиши натижасида Суғурта қилдирувчи/Наф олувчининг мулкий манфаатларига етказилган зарар.
2.8. Суғурта қопламаси – суғурта ҳодисаси юз берганида Суғурта қилдирувчи/Наф олувчи кўрган зарарни қоплаш учун суғурта суммаси доирасида Суғурталовчи томонидан тўланадиган пул маблағлари суммаси.
2.9. Наф олувчи – мазкур Шартнома бўйича ва Шартномада кўрсатилган суғурта қопламасини олувчи сифатида Суғурта қилдирувчи томонидан тайинланган шахс.