Диссертацияси илмий раҳбар: и ф. д., профессор О.Қ. Хатамов Тошкент 2020 йил мундарижа

Тадқиқот ишининг предметини ҳудудларда истеъмол саватига кирувчи қишлоқ хўжалик маҳсулотлари етиштириш жараёнларини эконометрик моделлаштириш ҳамда истиқболини кўп вариантли прогнозлаш жараёнидаги ижтимоий-иқтисодий муносабатлар ташкил этади.
Тадқиқотнинг усуллари. Тадқиқот жараёнида илмий мушоҳада, қиёсий таҳлил, анализ ва синтез, иқтисодий-статистик таҳлил, эконометрик моделлаштириш, прогнозлаш каби усуллардан фойдаланилган.
Тадқиқотнинг илмий янгилиги қуйидагилардан иборат:
аҳолини истеъмол саватига кирувчи қишлоқ хўжалик маҳсулотлари билан таъминланганлик даражасини баҳолаш мезони қишлоқ хўжалик маҳсулотларининг аҳоли физиологик эҳтиёжларини қондирилиш даражаси, уй хўжаликлари якуний истеъмоли харажатлари таркибида қишлоқ хўжалик маҳсулотларга қилинган харажатлар улуши ва даромадлар бўйича аҳоли тақсимоти нотекислик даражаси кўрсаткичларини ҳисобга олган ҳолда такомиллаштирилган;
аҳолини истеъмол саватига кирувчи қишлоқ хўжалик маҳсулотлари билан таъминлаш тизимининг мантиқий-тузилмавий модели ташкилий, иқтисодий, техник ва технологик кўрсаткичлар асосида такомиллаштирилган;
аҳолини истеъмол саватига кирувчи қишлоқ хўжалик маҳсулотларининг ҳосилдорлик динамикаси экспоненциал текислаш, Браун ва Хольт моделларининг адаптация параметрларини оптималлаштириш асосида такомиллаштирилган;
истеъмол саватига кирувчи қишлоқ хўжалик маҳсулотлари етиштириш ҳажмини ўсишининг 2022 йилгача бўлган кўп вариантли прогноз кўрсаткичлари ишлаб чиқилган.
Тадқиқотнинг амалий натижаси қуйидагилардан иборат:
аҳолини истеъмол саватига кирувчи қишлоқ хўжалик маҳсулотлари билан таъминланганлигини баҳолаш мезонлари, тамойиллари ва кўрсаткичлари тизими ишлаб чиқилган;
истеъмол саватига кирувчи қишлоқ хўжалик маҳсулотлари етиштириш жараёнларини кўп омилли таҳлили ва уни эконометрик моделлари ишлаб чиқилган;
истеъмол саватига кирувчи қишлоқ хўжалик маҳсулотлари етиштиришнинг асосий кўрсаткичлари таҳлил қилинган ва ҳажмини прогнозлаштириш вариантлари таклиф этилган;
ҳудуднинг туманлари кесимида истеъмол саватига кирувчи қишлоқ хўжалик маҳсулотларини ишлаб чиқариш динамикаси таҳлил этилган;
истеъмол саватига кирувчи қишлоқ хўжалик маҳсулотлари ҳосилдорлигини адаптив моделлар ёрдамида баҳолаш ва кўп вариантли прогнозлаш усуллари таклиф этилган.